«Qamaudan qaşqan» belsendi Dulat Ağadil tabıldı

Bügin tañerteñ sağat 10:00 şamasında «qamaudan qaştı» delingen  astanalıq belsendi Dulat Ağadildi bas prokuratura ğimaratınıñ aldında policiya qızmetkerleri qayta wstap äketti.

Azamattıq qwqıqtar men sayasi bostandıqtardıñ saqtaluın talap etip äkimşilik sotqa tartılğan belsendi Dulat Ağadil qamaudan şığardan bir kün aldın joğalıp ketken edi. Keşe Aqmola oblısı policiya departamenti onı «Izolyatordan qaştı» dep, üyine tintu jürgizip, izdestiru şaraların jürgizgen.

Qaraşanıñ 14-i bir top adam bas prokuratura jäne İşki ister ministrliginiñ aldına barıp, Dulat Ağadil turalı aqparat berudi talap etken.

Bügin bas prokuraturanıñ aldında policeyler alıp ketpey twrıp Ağadil «öziniñ zañsız qamalğanın aytıp, ädiletsizdikke tözbey, sol jerden öz erkimen ketuge mäjbür bolğanın» ayttı. Äleumettik jelide körsetilgen tikeley efirde belsendi «qamaudan qaşıp şığuınıñ sebebin» tüsindirdi:

– Men şınımen de qaşıp kettim, qaşuğa mäjbür boldım. Sebebi meni bir aydıñ işinde bes ret sottadı. Joğarğı sotqa, bas prokurorğa, işki ister ministrine hat jazdım. Biraq olardan jauap kelmedi. Soğan qarağanda Celinograd audandıq policiya bölimşesi meniñ hattarımdı jibermegen siyaqtı. Meniñ qwqığım bwzılıp jatır. Ala jipten attağan joqpın, eşkimniñ aqşasın wrlağan joqpın. Eşkmidi öltirgen joqpın, zorlağan joqpın.

Bas prokuratura aldında belsendiler men tuıstarı policiya qızmetkerleriniñ onı wstauına qarsı bolğanmen onı kölikke otırğızıp, Celinograd audanına alıp ketti. Soñğı ret qaraşanıñ 4-i küni Aqmol kentinde policiyağa bağınbağanı üşin sot şeşimimen 10 täulikke qamalğan.

Belsendi Dulat Ağadil Bas prokuratura ğimaratınıñ aldında qayta wstaldı. 15 qaraşa 2019 jıl. Astana. Foto: äleumettik jeliden

"The Qazaq Times"