J.Ağadil Foto: Facebook.com

Nwr-Swltannıñ qılmıstıq ister jönindegi mamandandırılğan audanaralıq sotında marqwm belsendi Dulat Ağadildiñ wlı Janbolat Ağadildiñ ölimine baylanıstı qozğalğan is boyınşa sot ötip jatır. Prokuror ayıptaluşılarğa 4-18 jıl aralığında jaza berudi swrağan. Bwl turalı advokat Jandos Twyaqovtıñ aqparatına süyengen Azattıq radiosı habarladı. 

Azattıqtıñ jazuınşa, is boyınşa altı ayıptaluşı bar: Nazarbekov, Äbildaev, Sıdıq, Jwmahan, Asbolat, Rahmet. Olarğa "Bwzaqılıq", "Adam öltiru", "Qılmıstı jasıru", "Qılmıstı habarlamau" baptarı boyınşa ayıp tağılğan.

Advokat Jandos Twyaqovtıñ Azattıqqa aytuına qarağanda, bastı küdikti Ömirjan Rahmetke "Adam öltiru" babı boyınşa ayıp tağılğan.

"Prokuror onı 18 jılğa bas bostandığınan ayırudı swradı. "Qılmıstı jasıru" boyınşa ayıptalğandarğa 4-5 jıl aralığında jaza swradı. Ömirjan Rahmet tağılğan ayıptı moyındamaydı. Sot ükimi bügin oqıluı tiis" depti advokat Azattıqqa.

Janbolat Ağadil – 2020 jılı aqpanda astanadağı uaqıtşa wstau izolyatorında jwmbaq jağdayda köz jwmğan sayasi belsendi Dulat Ağadildiñ wlı. Ol bıltır qaraşada jappay töbeles kezinde pışaqtalıp, sonıñ saldarınan köz jwmğan.

"The Qazaq Times"