Astanada keñ auqımda jürgizile bastağan «Til tazalığı – barşağa ortaq is» jobası jalğasın taptı. 

Bügin kezekti jinalıs Sarıarqa audanı äkimdiginde ötti. Oğan audan äkiminiñ orınbasarı Berik Törebekov, qalalıq Tilderdi damıtu jäne arhiv isi basqarması basşısınıñ orınbasarı Säken Esirkep jäne sarapşı top ökilderi men päter ieleri kooperativiniñ basşıları qatıstı.

– Päter ieleri kooperativi jwmısındağı mañızdı mäselelerdiñ biri sırtqı jäne işki körneki aqparattar tili. Ökinişke oray, zañ talaptarınıñ bar ekenine qaramastan, audandağı köptegen PIK-terge qarastı twrğın üylerde körneki aqparat tek bir tilde, ayağni orıs tilinde ğana jazılıp keledi. Til turalı Zañnıñ 21 babında "Mañdayşalar, habarlandırular, jarnamalar, basqa da körneki aqparat memlekettik tilde jäne orıs tilinde, qajet bolğan jağdayda basqa tilderde jazıladı" delingen. Qazirgi uaqıtta bwl normalar tolıq saqtalmay otır " – dedi  Berik Jalmwhanwlı.

Äkim orınbasarı biıl 9 säuirden bastap qala äkiminiñ tapsırmasına säykes, elordadağı sırtqı jarnamanı zañdastıru jwmıstarı jan-jaqtı qolğa alınğanın ayttı. «Til tazalığı – barşağa ortaq is» jobası ayasında Sarıaraqa audanı boyınşa zañsız ilingen, talapqa say emes 350-den astam jarnama, körneki aqparattıñ anıqtalğanın jetkizdi. Bwnıñ bärin zerttep, tekserip, anıqtauda  qalalıq Tilderdi damıtu jäne arhiv isi basqarması janınan qwrılğan, qwramında filologtar, zañgerler men qoğam belsendileri jäne jurnalister bar sarapşı toptıñ eñbegi zor ekenin atap ötti.

– Bwl tek anıqtalğanı ğana. Monitoring barısında äli de köp zañsızdıqtar kezdesui mümkin. Endigi kezekte audan boyınşa PIK başsıları, «Til tazalığı – barşağa ortaq is» jobası ayasında sizdermen birigip jwmıs isteytin bolamız, – dedi B.Törebekov.

Qalalıq Tilderdi damıtu jäne arhiv isi basqarması basşısınıñ orınbasarı Säken Esirkep zañ bwzuşılarğa Äkimşilik kodekste eskertu, ayıppwl salu sekildi naqtı jauapkerşilik qarastırılğanın ayttı. Biraq, Basqarma birden jazalauğa wmtılmay, aldın-ala eskertip jatqanın jetkizdi. Zañ bwzuşılıq anıqtalğan jağdayda, PIK basşılarına onı tüzetuge eki apta uaqıt berildi.

Sarapşı toptıñ ökili, zañ ğılımdarınıñ kandidatı Nwrzada Primaşev bwl kezdesudiñ tüsindiru jwmıstarı ekenin, osı eldiñ twrğını retinde ärbir azamattıñ zañğa ortaq bağınuı, talaptarın orındauı qajettigin basa ayttı.

Foto: QT

Alayda, kezdesude söz alğan keybir qala twrğındarı tilge qatıstı qatañ şara qoldanatın kez jetti dep esepteydi. "Til zañın közge ilmey, talaptarın orındamay otırğan jeke nısandardı, azamattardı ünemi eskertip qana qoyu jwmıstı jeñildetpeydi, olarğa Äkimşilik kodeks boyınşa ayıppwl salıp, jaza qoldanu kerek" dep esepteydi olar. Onsız tilge, zañğa qwrmet bolmaytının aytadı.

PIK başsıları «Til tazalığı – barşağa ortaq is» jobası ayasında bastalğan jwmısqa qoldau körsetetinderin bildirdi. Öz aumaqtarına kiretin twrğın üyler men özge de nısandardağı til boyınşa zañ talaptarınıñ saqtaluın tekseretinin, qatelikterdi tüzeytinin jetkizdi.

Päter ieleri kooperativi basşılarına eki apta uaqıt berildi. Arı qaray jwmısşı top atqarılğan jwmıstar boyınşa monitoring jasaytın boladı. PIK basşılarımen jwmıs qalanıñ qalğan üş audanında da jürgizilip jatır

Ayta keteyik, «Til tazalığı – barşağa ortaq is» jobasınıñ atqarıluı Nwr-Swltan qalası äkiminiñ orınbasarı Malika Bektwrova qatısqan jinalıstıñ arnayı hattamasımen pärmen berilgen. Ol boyınşa qaladağı jeke menşik jäne memlekettik bala baqşalar, päter ieleri koopertivteri, avtokölik mekemeleri, bazarlar, türli käsipkerlik nısandarı atalğan akciya ayasında memlekettik til normalarınıñ saqtaluına atsalısuı kerek. Josparlı jwmıstardıñ atqarıluına qalalıq basqarmalar da tikeley qatısatını naqtı körsetilgen.

Jiın soñında audan äkimi orınbasarınıñ tapsırmasımen Sarıarqa audanındağı jekemenşik bala baqşalarda til zañı talaptarınıñ saqtalu boyınşa tekseru jürgizildi. Qalalıq Tilderdi damıtu jäne arhiv isi basqarmasınıñ bas mamanı Aygül Imanğali jäne sarapşı top ökilderi aralas tilde bilim beretin "Balaqay" bala baqşasına bardı. Bilim oşağında keybir zañ bwzuşılıqtarğa jol berilgen. Äsirese, orıs tilinde bilim beretin toptarğa arnalğan körneki aqparat tek resmi tilde ğana jazılıptı. Bala baqşa basşılığına osı kemşilikter eskertilip, zañ boyınşa barlığı memlekettik tilde jazıluı kerektigi aytıldı. Mekeme basşılığı eskertudi dwrıs qabıldap, körneki aqparat pen habarlandırulardı zañ talaptarına say jasaytın boldı.

"The Qazaq Times"