Foto: https://tengrinews.kz

Londonda Qazaqstan-Britan ükimetaralıq komissiyasınıñ otırısı ötip, taraptar birqatar qwjattarğa qol qoydı. Solardıñ biri – Aqtauda Batıs Qazaqstandı kögildir otınmen üzdiksiz qamtamasız etudi közdeytin data-ortalıqtı damıtuğa arnalğan cifrlıq käsiporın salu.

Ükimetaralıq komissiya otırısında sauda-ekonomikalıq, ğılımi-tehnikalıq jäne mädeni ıntımaqtastıq jöninde ötkizilgen kezekti altınşı otırısta Qazaqstannıñ Azamattıq aviaciya industriyasın retteudiñ jaña modelin qwru, densaulıq saqtau salasındağı memlekettik jäne jeke äriptestikke serpin beru, «Astana» qarjı ortalığında korporativtik basqarudı damıtu talqılandı. Nätijesinde, «Artex Construction» JŞS men «Independent Power Corporation» energetikalıq kompaniyası Aqtauda jaña data-ortalıqtı damıtu boyınşa cifrlıq birlesken käsiporın qwruğa kelisti. Joba Batıs Qazaqstandı kögildir otınmen jäne jañartılatın energiya közderimen üzdiksiz qamtamasız etetin boladı. Bwdan basqa taraptar quatı 250 MVt ekologiyalıq taza energiya öndire alatnn energetikalıq kompaniya qwruğa uağdalasqan. Öz kezeginde Wlıbritaniyanıñ sauda sayasatı jönindegi memlekettik ministri Konor Berns: «Qazaqstan – jıldam damığan jäne ekonomikasın ärtaraptandırılğan memleket. Bizdiñ ükimet iskerlik qarım-qatınasqa müddeli, jäne investiciya salu boyınşa barlıq qajetti qoldau körsetuge dayın», – deydi.

Ayta keteyik, Birikken Korol'dik pen Qazaqstan osımen altınşı märte ükimetaralıq komissiya otırısın ötkizip otır. Wlıbritaniyanıñ sauda sayasatı jönindegi memlekettik ministri Konor Berns men QR Sırtqı ister ministriniñ orınbasarı Roman Vasilenko atalğan jiınnıñ teñ törağaları retinde saylanğan. Är jiın barısında mwnay-gaz, tau-ken önerkäsibi, densaulıq saqtau, bilim beru jäne qarjılıq qızmet körsetu boyınşa talqılaular boladı.

"The Qazaq Times"