Qwqıq qorğauşı belsendiler Qazaqstanda tıyım salınğan qozğalıstıñ qarsılıq akciyasına şığuğa ündeui kezinde "belsendilerdi qorqıtu men quğındau" bastalıp ketti dep mälimdedi, Bwl turalı Ortalıq Aziya jañalıqtar qızmeti jazdı.

Astana twrğını Erbol Eshojin 23 qazanda policiyağa tergeuge şaqırılıp, belsendi Dulat Ağadilge qarsı qozğalğan qılmıstıq iske qatıstı kuälik beruin talap etken.

Erbol Eshojinniñ advokatı Ol'ga Enns ol qwqığın paydalanıp, kuälik beruden bas tartqanın ayttı.

Azamattıq belsendi Äliya Jaqıpova da 23 qazanda policiyağa tergeuge şaqırılğan.

Qazir Facebook jelisinde wstalğan azamattar jayında aqparat jinap, olarğa qwqıqtıq kömek körsetetin #IHaveAChoise #ActivistsNotExtremists tobı jwmıs isteydi. Atalğan toptıñ mälimetinşe, 17- 21 qazan aralığında 11 belsendige qısım körsetilgen. Onıñ işinde 12 qazanda ötken narazılıq şarasına qatısqan eki belsendini Almatı sotı 10 jäne jeti täulikke qamap, tağı bireuine 50 500 teñge (130 dollar) ayıppwl salğan.

Qazaqstan biliginiñ mälimetinşe, 21 qırküyekte elde tıyım salınğan, quğındağı bwrınğı bankir Mwqtar Äblyazov jetekşilik etetin "Qazaqstannıñ demokratiyalıq tañdauı" (QDT) qozğalısınıñ ündegen akciyasına şıqqan 100 şaqtı adam wstalğan.

Bilik QDT qozğalısın zañsız dep esepteydi.

“The Qazaq Times”