Körneki suret. Foto: aşıq derekköz

Densaulıq saqtau ministrliginiñ tauarlar men körsetiletin qızmetterdiñ sapasın jäne qauipsizdigin baqılau komitetiniñ basşısı Lyudmila Byurabekova Qazaqstan därigerleri tiri tuğan 277 näresteniñ ölimin jasırğanın mälimdedi.

Densaulıq saqtau ministr Eljan Birtanov Senat otırsındağı bayandamasında el estip körmegen, estigenin eseñgireter auır faktimen bölisken. Onıñ sözinşe, el därigerleri 277 balanıñ ölimin jasırğan. Otırıstan soñ Lyudmila Byurabekova tilşilerge:

– Biz Qazaqstanda öli tuğan närestelerdiñ 2018 jılğı körsetkişi boyınşa analiz jasadıq. Aymaqtardıñ perzenthanalarında bwzılmay qalğan şını qwraldardı köterip, bala sol şını apparatqa salınğanda demalıp jattı ma, älde, şınımen öli tudı ma, sonı tekserdik. Osı tekserude aymaqtardıñ statistikanı jaqsartu üşin balalar tiri tuıp, keyin ölip qalsa da, onı öli tudı dep eseptegen jağdaylardı anıqtadıq, – dedi.

Vedomstvo jürgizgen audit qorıtındısı boyınşa, 2018 jılı Qazaqstanda 277 bala tiri tuğan, biraq, onı därigerler öli tudı dep jazğanı anıqtalğan. Bir qızığı, atalmış zertteu-tekseru auditine Mañğıstau oblısı qatıspağan. «Sebebi, Mañğıstau oblısı şını apparattardı joyıp jibergen, bwl densaulıq saqtau erejesine qayşı, biraq eşqanday jaza közdelmeydi», – deydi.

Onıñ sözinşe, bala ölimin jasırğan aymaqtar qatarında Qızılorda, Jambıl, Atırau oblıstarı aldıñğı orında. Eñ soraqısı, aymaqtar üşin qızıl şaqanıñ tiri tuıp ölgeninen göri, birden öli tuuı – «tiimdi» bolğan eken.

Baqılau komitetiniñ basşısı Byurabekova  «ana men bala öliminiñ körsetkişi boyınşa Densaulıq saqtau ministrligi men oblıs äkimderi arasında memorandum bar. Sondıqtan, jalpı, statistika bäsekege äser etedi. YAğni, körsetkişter jaman bolğan sayın, bizdiñ älemdik reytingtegi poziciyamız tömendey beredi. Bwl statistikada tiri tuğan, biraq ölip qalğan bala – bir bölek, al, öli tuğan bala – basqa statistika» ekenin aytadı.

"The Qazaq Times"