Qazirgi tañda Qazaqstanda jartı millionğa tarta adam jwmıssız jür. «...Jwmısı joqtıq – Azdırar adam balasın» degen häkim Abaydıñ qwnı zordan qımbat konsul'taciyasına qwlaq türer kim bar deseñşi. Qaybir jılı qılmıskerdiñ 91% – «jaña», 78,6% – jwmıssız ekeni, qılmıskerlerdiñ köbi jwmıssızdar bolatını turalı resmi mälimet şıqqanı esimizde.

Wlttıq ekonomika ministrligine qarastı Statistika komitetiniñ mälimeti boyınşa, eldegi eñbek narığına qatıstı jalpı jwmıssızdardıñ sanı 442 200 azamat dep körsetilgen. Onıñ tirkelgeni – 170 mıñğa tartadı-mıs. 4,8%-dan tüspeytin ya köterilmeytin jwmıssızdıq deñgeyiniñ resmi körsetkişine sarapşılar tügili köpşilik bwqaranıñ da köñili kümändi. Onıñ işinde 15-28 jas aralığındağı jastar 85 mıñğa tayau desedi. Ädette jwmıssızdıq turalı ötkir mälimdeuşiler men qarapayım azamattar är türli ayıptaularmen isti bolıp jatadı. Sonıñ biri juırda ğana bes jılğa bas bostandığınan ayırılğan Jañaözendegi jwmıssızdar qozğalısınıñ belsendisi, jastar jwmıssızdığın köterip jürgen Erjan Elşibaev sayasi twtqın dep tanıldı. Bwl jaylı tamızda qwqıq qorğauşı Baqıtjan Töreğojina öziniñ Facebook paraqşasında jariyalağan bolatın.

Vedomstvonıñ «Negizgi äleumettik-ekonomikalıq körsetkişter monitoringi» qortındısına säykes käsipkerlik qızmetpen aynalısatın şağın käsiporındardı esepke almağanda azmattardıñ ortaşa aylığı jıl basında 180 885 teñge bolsa, al qırküyekte 188 634 teñgege deyin joğarılağan.

Bir qızmetkerdiñ ortaşa aylıq ataulı jalaqısınıñ soñğı tört jıldağı körsetkişi:

  • 2019 jılı 188 634 ₸
  • 2018 jılı 162 673 ₸
  • 2017 jılı 150 827 ₸
  • 2016 jılı 142 898 ₸

Şınına kelgende, «QR-nıñ äleumettik-ekonomikalıq damuı» qısqaşa statistikalıq byulleteninde körsetilgen derekter realdı ahualdan tım alşaq. Olay deytinimiz, eden juuşı men vice-ministrdiñ eñbekaqıların qosıp, sub'ektilerdiñ ortaq tabısın olardıñ sanına bölip esepteu arqılı ortaşa jalaqını anıqtau – şındıqqa keliñkiremeytin ädis.  Memlekettik qızmetkerler korpusı men özge eñbek kadrların ajıratıp esepteytin jaña jiktelim mehanizmi qajet.

Qazirgi Eñbek jäne halıqtı äleumettik qorğau ministri Birjan Nwrımbetov şeneunikter ğana senetin utopiyalıq körsetkişterdi şındıqqa qalay jaqındatarın aldağı uaqıt körsetedi.

"The Qazaq Times"