Janbolat Mamay azamattıq qoğam atınan jaña partiya qwrmaq

Bügin belgili jurnalist, belsendi Janbolat Mamay, qwqıq qorğauşı, täuelsiz jurnalist Sergey Duvanov  pen Qazaqstan qauipsizdik keñesiniñ bwrınğı hatşısı, sayasatker Tölegen Jükeevter Almatıdağı Adam qwqığı boyınşa halıqaralıq byuronıñ  ğimaratında ötken baspasöz jiınında Qazaqstanda jaña sayasi partiya qwratının mälimdedi.    

HH ğasırdıñ basındağı jasandı jolmen bolğan aşarşılıq turalı bes bölimdi «Zwlmat» jäne «Stalin qılmısı: Wlt ziyalıların qalay quğındap, tübine jetti» attı derekti fil'mderdiñ avtorı, isti bolğan qoğam belsendisi retinde tanılğan Janbolat Mamay är kez qoğamdağı mañızdı oqiğalar men qwbılıstarğa öz pikirin aşıq bildirip, ün qosıp keledi.

Mamay 28 jasında, «Tribuna. Sayasi qalam» gazeti bas redaktorınıñ mindetin atqaruşı qızmetinde jürgen  kezinde «Mwhtar Äblyazovtiñ aqşasın gazet şığaru arqılı zañdastıruğa qatıstı» degen ayıppen  «sayasi astarı barı ayqın» sotqa tartılıp, jeti aydan keyin, 2017 jıldıñ 7 qırküyeginde sot ükimimen bostandığı üş jılğa şektelip, bosap şıqqan bolatın. Baspasöz jiınında Janbolat Mamay:

​– Biz Qazaqstanda jaña sayasi, demokratiyalıq partiya qwratımızdı mälimdegimiz keledi. Biz bwl mäseleni keşe nemese bügin ğana kötergen joqpız. Bwl oy bizde bwrınnan bar boldı. Bizdiñ bastı maqsatımız - sayasi reforma jürgizu. Sayasi twtqındardı bosatuğa qol jetkizu. Aron Arınbek, Mwhtar Jäkişev siyaqtı sayasi twtqındardıñ bosatılıp, memlekettiñ olarğa ötemaqı tölegenin qalaymız. Sonday-aq, Qazaqstanda mitingige zañsız şıqtı dep belsendiler men azamattardı 15 täulikke qamau jağdayın özgertkimiz keledi. Biz Ädilet ministrligine ötiniş tastap, bärin zañdı türde jasaymız, – dedi.

Jiında jurnalisterdiñ «Qosanov sekildi laqtırıp ketpeysizder me?» degen swrağına «ondaylar aramızda joq» dep jauap berdi partiya qwruşılardıñ biri qoğam qayratkeri Tölegen Jükeev.

Qazaqstannıñ Irandağı elşisi qızmetin atqarğan oppoziciyadağı sayasatker Jükeev «Joq olay bolmaydı. Aldarıñızda otırğan adamdar özderine jauap bere alatın azamattar. Biz Qosanov siyaqtı emespiz. Bizdiñ aramızda Qosanov siyaqtılarğa orın joq. Biz bwnı öz isimizben däleldeymiz. Janbolat Mamay, Seygey Duvanov bwnı däleldey aladı. Olar soñına deyin baradı. Biz bizdi satıp ketken adamdardıñ jolımen jürmeymiz. Biz öz qatarımızğa ärqaşan soñına deyin küresetin, qaytpaytın qaysar, öz degenine jetetin azamattardı qosqımız keledi. Bügin-erteñ partiya qwratınımız mälim. Erterek qolğa alıp, bwl jwmıstı ayaqtauımız kerek. Bwl şaruanı atqaruda jastardıñ qosar ülesi zor boluı kerek. Sonda ğana biz sayasattağı zañdardı özgerte alamız», – dep taratıp berdi.

«Jurnalistik käsibine tıyım salınsa da, qoğamdıq qızmetpen aynalısa beretinin» aytqan jas sayasatker biılğı sayasi öñi qalıñ özgerister barısında azamattıq qoğam ökili retinde körine bildi.

Sonday-aq, Janbolat Mamay «demokratiyalıq qoğamdı añsaytın sayasi küşterdi biriguge» şaqırdı. Ol «täuelsiz, öz pikirin aşıq ayta alatın» jäne «Qazaqstandağı şın özgeristerdi qalaytın azamattardı»  qatarğa qosıluğa ündedi.

Eñ bastı mäselege qatıstı Janbolat Mamay «Qazaqstannıñ demokratiyalıq partiyasın» Jükeev pen Duvanov üşeui birigip qarjılandıruğa tırısatındarın jäne özderiniñ negizgi küşin äleumettik jelige salıp, sol arqılı jaqtastarın izdeytinin ayttı.

«Biz zañdı türde tirkeuden ötetin bolamız. Barlıq äleumettik jelilerde belsendi jwmıs isteymiz. Aldağı uaqıtta qızu şarualar jüretin boladı. Ştabımızdı qwramız, adamdar jinaymız. Öz ofisimiz boladı. Sol jerde kez-kelgen adamdı qabıldaymız. Är iste belsendilik tanıtatın bolamız», – deydi jaña partiyanıñ jaña kösemi.

Olar barlıq täuekelge dayın ekendigin aytadı. Jaqın arada äleumettik jelide partiya jarlığı jarıq körmek.

"The Qazaq Times"