Foto-kollaj: bügin.kz

«Iosif Stalin Janbolat Mamaydı tergeuge şaqırğan».  Dempartiyanı qwruşı toptıñ jetkşisi bügin öziniñ Facebook paraqşasında osınday mälimdeme jasadı. Oppoziciyalıq sayasatkerdiñ aytuınşa whatsapp jelisindegi bas suretine Stalinniñ portretin paydalanğan Almatı qalalıq Policiya departamentiniñ tergeuşisi onı sağat 15:00-de qorğaluğa qwqığı bar kuäger retinde tergeuge qatısuğa şaqırğan.

Bwğan deyin oppoziciyalıq sayasetker Janbolat Mamaydıñ üstinen QR Qılmıstıq kodeksi 274 babtıñ, 2-şi tarmağı boyınşa qılmıstıq is qozğağanı belgili bolğan edi. Qılmıstıq is atalğan babqa säykes Qarjı narığın baqılau jäne damıtu agenttiginıñ şağımı boyınşa qozğalğan. Atalmış agenttik Janbolat Mamaydı «jalğan aqparat tarattı» dep ayıptaydı.

Öziniñ äleumettik jeli paraqşasındağı mälimdemesinde Janbolat Mamay bwl ayıptı joqqa şığaradı jäne onı sayasi tapsırıs dep sanaydı. Onıñ aytısınşa, bwnıñ bäri 16 jeltoqsanğa josparlanğan narazılıq şaralarına kedergi keltiru üşin biliktiñ tapsırmasımen jasalıp otır.

«Demokratiyalıq partiyanı» qwruşı toptıñ jetekşisi özine tağılğan ayıp boyınşa da bügingi mälimdemesinde tüsinik berdi. Atalmış sayasi top kötergen «nesielik amnistiya jariyalau» mäselesi boyınşa bankten alğan nesiesine qatıstı naqtı mäselesi bar birqatar azamattarmen Qarjı narığın baqılau jäne damıtu agenttigine barğanın, ond azamattardıñ naqtı mäseleleri boyınşa nesielik amnistiyağa ötiniş-arızdarın jazğanın jäne osı is boyınşa birqanşa azamattıñ nesielik jeñildikterge qol jetkizgenin aytadı. Osıdan keyin atalğan agenttikke jüzdegen adam wqsas arız-ötiniş boyınşa barğan. Keyin agenttik Janbolat Mamaydıñ üstinen «jalğan aqparat tarattı» degen ayıp taqqanı turalı aytadı.

«Biraq men aşıq aytamı: eş uaqıtta jalğan aqparat taratqan joqpın, taratuım da mümkin emes», – degen Janbolat Mamay mälimdemesinde. Sonday-aq: «Bılay qarap otırsañız, altı jüz adam bara ma, mıñ adam bara ma, eki mıñ adam bara ma? – ol jerge barıp arızın jazğanda twrğan qanday kinärat bar?! Bwnıñ nesi qılmıs degen swraq tuındaydı. Bile bilseñiz, osı agenttikke kez-kelgen adam barıp öziniñ nesielik mäselesi boyınşa arız jazıp, bankterdiñ mäselesin qarastıru kerek, mağan osınday qoldau kerek dep arız jazıp ketuge tolıq qaqısı bar», – deydi.

Oppoziciyalıq sayasatker Janbolat Mamaydıñ jaqtastarı Masançi köşesindegi policiya departamentine birge bardı. Foto: QT

Osıdan şamamen bir sağat bwrın Janbolat Mamaydıñ jaqtastarı äleumettik jelide oppoziciyalıq sayasatkerdiñ Masançi köşesi boyındağı policiya departamentine barğanın aytıp video jariyaladı. Olar da sayasatkerge qarsı qozğalğan qılmıstıq istiñ sayasi astarı bar degen mağınada mälimdeme jasadı.

Jwldız Temirhanova atalmış agenttikke nesielik mäselesi boyınşa arız jazu arqılı nesielik keşirim men jeñildikter alğanın rastap twr. Foto: QT

Ayta keteyik, birer kün bwrın Janbolat Mamay 16 jeltoqsannıñ jaqındauına baylanıstı özine jasalğan qısımnıñ küşeygenin, soñınan birneşe avtokölikpen belgisiz adamdardıñ añdıp jürgenin aytqan bolatın.

The Qazaq Times