Venesuela oppoziciyası ükimetke qarsı iri ereuilge dayındaluda

Venesuela oppoziciyası 24 qazanda Suliyanıñ soltüstik-batıs ştatında ükimet sayasatına qarsı narazılıq akciyasın ötkizbek. Bwl turalı venesuelalalıq oppoziciya köşbasşısı Huan Guaydonıñ mälimdemesine silteme jasağan Union Radio radiostanciyası habarladı.

Eldegi halıq sanı jağınan ekinşi orındı alatın Marakaybo qalası ornalasqan aymaqta su jäne elektrmen jabdıqtau, qarjılıq dağdarıs mäseleleri birneşe uaqıt boyı jalğasıp keledi. Ükimet pen halıq arasında mäselelerdi şeşuge bağıttalğan dialogtıñ bolmauı, eldegi oppoziciyanıñ janşıluı, ekonomikalıq krizis sındı mäseleler şeşimin tapsın degen narazı jwrt bilikke ündeu tastamaq. Şerudi wyımdastıruşılardıñ biri, opopozicioner Guaydo sözinde: «Narazılıq akciyasın wyımdastıra otırıp, biz memlekette özgeristiñ orın aluın qalaytın halıqtıñ ünin bilikke, älemge jetkizemiz. Süliyada jinalatın narazı jwrttıñ pikirine ükimet nazar audaruğa tiisti», – deydi.

Jıl basınan beri Venesuelada elektr beru jelileri men qosalqı stanciyalar birneşe ret isten şıqtı. 7 naurızda birneşe künge Karakas jäne özge ştattardıñ köpşiligi jarıqsız qaldı. Venesuela ükimeti wsınğan mälimetterde Simon Bolivar atındağı GES-te diversiyanıñ bolğanın aytılğan. Öz kezeginde Venesuela prezidenti Nikolas Maduro elde orın alıp jatqan qiındıqtarğa «amerikandıq imperializm kinäli» dep mälimdeme jasağan. Resmi AQŞ Memlekettik departamenti bwl ayıptaulardı qabıldağan joq. Al Venesuelanıñ elektrmen jabdıqtau wlttıq federaciyasınıñ ökilderi elektr jelileri men qosalqı stanciyalardağı apat olarğa profilaktikalıq qızmet körsetu üşin resurstardıñ jetispeuşiliginen bolğanın birneşe ret mälimdegen.

23 qañtarda Joğarğı Sot joyılğannan keyin Venesueladağı jağday şielenisip ketti. Sol uaqıtta Wlttıq assambleya baqılauındağı oppoziciyanı basqarğan Huan Guaydo özin ükimet basşısı retinde jariyalağan. Oğan AQŞ-pen qosa alğanda 50-den astam memleket qoldau körsetti. Europalıq odaq Guaydonı eldiñ legitimdi basşısı retinde tanıdı. Al Qıtay men Resey biligi qazirgi prezident Nikolas Maduro ükimetine senim bildirip, AQŞ jäne Europa elderiniñ Venesuela oppoziciyasına qoldau bildiruin «halıqaralıq qwqıqbwzuşılıq» dep atağan.

"The Qazaq Times"