Zarif CNN-ge swhbat berdi. Foto: CNN.

«Iran eşqaşan eşqaşan  birinşi bolıp soğıs bastamaydı, biraq özine şabuıl jasalsa bar küşin salıp soğısadı». Bwnday mälimdemeni sol eldiñ sırtqı ister ministri Mwhammad Javad Zarif CNN arnasına bergen swhbatında ortağa saldı.

Zarif swhbatında AQŞ-tıñ Iranğa qaratqan sayasatın sınğa alğan. Onıñ aytuınşa Uaşington Iranğa twraqtı türde qısım jasap, soğıs qaupimen qoqan-loqı jasap kelgen. Zarif sözinde: «Iran eşqaşan birinşi bolıp soğıs bastamaydı, biraq özine şabuıl jasalsa bar küşimen qarsı twradı. Iran AQŞ-qa eki el ortasında soğıs bolsa onıñ ayaqtauşısı (jeñimpazı) bolmaytının köp ret eskertip kelgen», – dedi.

Iran men AQŞ arasında bir-birine eskertuler, ürkitu-qorqıtu äreketteri köp ret bolğan. Taraptar soğıstı qalamaytının san ret qaytalap aytadı. Alayda, bir-birine äskeri qısımdı arttırıp, qoqan-loqı körsetu arqılı mämile tabuğa tırısadı. AQŞ pen Iran arasındağı bwl kereğarlıq aymaqtağı şielenistiñ negizgi bir sebepteri.

Irannıñ qorğanıs ökilderi özderiniñ qorğanıs quatın joğarı bağalaydı. Olar AQŞ tarabınan qandayda bir şabuılğa qarsı tötep bere alamız dep sanaydı. Tipti, eki el arasında soğıs bolğan jağdayda Iran zımırandarı arqılı AQŞ-tıñ aymaqtağı barlıq äskeri bazaların talqanday alamız degen mälimdemeler de jasağan. Şın mänisinde, bwnday eskertuler men mälimdemelerdiñ özi de soğıs qaterinen saqtanu şaraları bolıp sanaladı. Uaşington men Tehran tikeley soğısudan saqtanu üşin de bir-birine osınday mälimdemeler arqılı qısım jasap keledi.

“The Qazaq Times”