زاريف CNN-گە سۇحبات بەردى. فوتو: CNN.

«يران ەشقاشان ەشقاشان  ءبىرىنشى بولىپ سوعىس باستامايدى، بىراق وزىنە شابۋىل جاسالسا بار كۇشىن سالىپ سوعىسادى». بۇنداي مالىمدەمەنى سول ەلدىڭ سىرتقى ىستەر ءمينيسترى مۇحامماد جاۆاد زاريف CNN ارناسىنا بەرگەن سۇحباتىندا ورتاعا سالدى.

زاريف سۇحباتىندا اقش-تىڭ يرانعا قاراتقان ساياساتىن سىنعا العان. ونىڭ ايتۋىنشا ۋاشينگتون يرانعا تۇراقتى تۇردە قىسىم جاساپ، سوعىس قاۋپىمەن قوقان-لوقى جاساپ كەلگەن. زاريف سوزىندە: «يران ەشقاشان ءبىرىنشى بولىپ سوعىس باستامايدى، بىراق وزىنە شابۋىل جاسالسا بار كۇشىمەن قارسى تۇرادى. يران اقش-قا ەكى ەل ورتاسىندا سوعىس بولسا ونىڭ اياقتاۋشىسى (جەڭىمپازى) بولمايتىنىن كوپ رەت ەسكەرتىپ كەلگەن»، – دەدى.

يران مەن اقش اراسىندا ءبىر-بىرىنە ەسكەرتۋلەر، ۇركىتۋ-قورقىتۋ ارەكەتتەرى كوپ رەت بولعان. تاراپتار سوعىستى قالامايتىنىن سان رەت قايتالاپ ايتادى. الايدا، ءبىر-بىرىنە اسكەري قىسىمدى ارتتىرىپ، قوقان-لوقى كورسەتۋ ارقىلى مامىلە تابۋعا تىرىسادى. اقش پەن يران اراسىنداعى بۇل كەرەعارلىق ايماقتاعى شيەلەنىستىڭ نەگىزگى ءبىر سەبەپتەرى.

يراننىڭ قورعانىس وكىلدەرى وزدەرىنىڭ قورعانىس قۋاتىن جوعارى باعالايدى. ولار اقش تارابىنان قاندايدا ءبىر شابۋىلعا قارسى توتەپ بەرە الامىز دەپ سانايدى. ءتىپتى، ەكى ەل اراسىندا سوعىس بولعان جاعدايدا يران زىمىراندارى ارقىلى اقش-تىڭ ايماقتاعى بارلىق اسكەري بازالارىن تالقانداي الامىز دەگەن مالىمدەمەلەر دە جاساعان. شىن مانىسىندە، بۇنداي ەسكەرتۋلەر مەن مالىمدەمەلەردىڭ ءوزى دە سوعىس قاتەرىنەن ساقتانۋ شارالارى بولىپ سانالادى. ۋاشينگتون مەن تەھران تىكەلەي سوعىسۋدان ساقتانۋ ءۇشىن دە ءبىر-بىرىنە وسىنداي مالىمدەمەلەر ارقىلى قىسىم جاساپ كەلەدى.

“The Qazaq Times”