Bügin 2009 jılı twtqındalıp, jemqorlıq ayıbımen 14 jılğa sottalğan  Mwhtar Jäkişevtiñ isine qatıstı  Öskemende sot otırısı ötti. 21:07-de oqılğan ükim boyınşa appelyaciyalıq şağım qanağattandırılmadı.  

Tüsten keyin bastalğan apellyaciyalıq sot Jäkişevtiñ qatısuınsız, jabıq türde jürgizildi. Osımen üşinşi ret ötkizilgen sotta sud'ya tanımal jazalanuşınıñ özi söyleuine «mümkindik joq ekenin» aytıp, advokattıñ otırıstı keyinge qaldıru ötinişin qanağattandırmadı. Siırqwyımşaqtanğan qoğamnıñ reakciyasın tudırğan iske qatısuşı Jäkişevtiñ advokatı Beysekeev barlıq isti qarauşı oblıstıq sud'yalarğa senimsizdik tanıtıp, öz narazılığın birdirdi.

Respublikanıñ är öñirinen belgili "sayasi twtqındı" qoldau üşin kelgen belsendiler sot şeşimine narazılıq bildirip, "Lağnet", "Bostandıq", "Qarğıs atsın", "Jüye auıssın" dep wrandasıp ayqayladı.

Şildeniñ 24-si  Semey qalalıq №2 sotı türme därigerleriniñ rastauımen densaulıq jağdayına baylanıstı onıñ merziminen bwrın şarttı bostandıqqa şığaru turalı ötinişin qanağattandırudan bas tartqan bolatın. Qırküyektiñ 10-ı küni de bes sağattan asa birneşe üzilisterden keyin sud'ya Jäkişevtiñ nauqastığına qaramastan bwrınğı şeşimdi özgerissiz qaldırdı.

Soñğı kezderi «Qazatomönerkäsip» wlttıq kompaniyasınıñ bwrınğı basşısı, on jıldan astam uaqıtın türmede ötkizip, qamauda otırğan üşinşi toptağı mügedektik dertine şaldıqqan Mwhtar Jäkişevti qoldap, bostandıqqa şığarudı talap etken narazılıq şeruleri jiiley tüsken. Seysenbi künniñ özinde eldegi Almatı, Aqtau, Öskemen qalaları men elordasında «Mwhtar Jäkişevti bostau» talabımen birneşe narazılıq şaraları ötti.

Sonımen qatar, 9 qırküyek Jenevadağı BWW, bügin Freedom House halıqaralıq qwqıq qorğau wyımı Qazaqstan biligin sayasi twtqındardı bosatuğa şaqırdı. Freedom House halıqaralıq qwqıq qorğau wyımı astanadan «Qazatomönerkäsip» kompaniyasınıñ bwrınğı basşısı, temir torda otırğanına 10 jıldan asqan 56 jastağı Mwhtar Jäkişevti dereu bosatuın talap etti. Esteriñizde bolsa, qwqıq qorğauşılar tarapınan «Jazıqsız sayasi astarmen isti boldı» dep bağalanğan Jäkişev isine qatıstı osığan deyin 2015 jılı BWW adam qwqığı komiteti dereu bosatuın swrap, eskertu jasağan edi.

Sayasi özgerister jiilegen twsta halıqtıñ sayasatqa nazarı auıp, bilikke naqtı qwqıqtıq talaptar qoya bastadı. Özge mäselelerden bölek bir «sayasi twtqındardı bosatu» taqırıbı boyınşa üş aydıñ özinde eldiñ är aymağında 40-qa tarta piket-miting, narazılıqtar körinis tapqan.

"The Qazaq Times"