Mwhtar Jäkişev. Foto: äleumettik jeliden

Semey qalasınıñ sotınıñ şeşimimen on jıldan astam türmede Mwhtar Jäkişev bügin bosap şıqtı.  

Beysenbi küni sağat 10:25-te abaqtıdan şıqqan Mwhtar Jäkişevti jaqtastarı men qoldauşıları kütip alıp, tileulestigin bildirdi.

Bwğan deyin 1998-2009 jıldar aralığında «Qazatomönerkäsip» wlttıq kompaniyasın on jılday basqarğan Mwhtar Jäkişev 2010 jıldardıñ basında eki qılmıstıq is boyınşa 14 jılğa sottalğan bolatın.  Onıñ wzaq jılğa sottaluın sarapşılar ärtürli twjırdı: biri 2000 jıldarı onıñ eks-bankir Mwhtar Äblyazovqa araşa bolğanın aytsa, endi biri onıñ uran öndirisinde Reseymen baqtalas boluın alğa tartadı.

Sarapşılar 2023 jıldıñ 20 mamırında bosatıluı tiis Jäkişevtiñ üşinşi appelyaciyalıq şağımın qanağattandıruı - azamattıq qoğam talabınıñ jemisi dese, tağı biri «Toqaevtıñ el aldındağı wpayın tügendeu» ädisi dep sanaydı. Sotqa Aqtau, Semey, Şımkent, Arıs, Almatı, Oral t.b. qalalarınan qoldauşılar qatısqan edi.

Abaqtı aldında Jäkişevtiñ şığuın kütip twrğan qoldauşıları. Foto: Informburo.kz

2015 jılı 6 qaraşa BWW-nıñ Adam qwqıqtarı komiteti Qazaqstandı «Azamattıq jäne sayasi qwqıq turalı halıqaralıq pakti» boyınşa, 2018 jılı 15 naurızda Ortalıq Aziyadağı Adam qwqıqtarı qauımdastığı, tağı özge de qwqıq qorğau wyımdarı onıñ negizsiz sottalğanın aytıp, bilikten onı dereu bosatuın talap etken. Intellektual otbasıdan şıqqan Jäkişevti kezindegi «atom önerkäsibin damıtqan, keyin Resey kompaniyası qol astına alu üşin jasalğan sayasi quğın» dep sanaytın azamattıq qoğam ökilderi soñğı kezderi wdayı piket-mitingke şığıp, bosatuın talap etken bolatın. Dese de Qazaqstan sotı bwl talaptarğa moyın bwrmap edi. 2018 jıldıñ 28 qaraşasında merziminiñ jartısınan köbin öteuine  baylanıstı birinşi ret tüsirgen appelyaciyalıq arızın Semeydiñ №2 sotı, al bıltır 24 şilde de atalğan sot, 10 qırküyekte Öskemendegi oblıstıq sot qatarınan üş märte qanağantandırmay tastağan.

2018 jılı mamırda medicinalıq komissiya qorıtındısı boyınşa, twtqındağı Mwhtar Jäkişevke üşinşi toptağı mügedektik diagnozı qoyıldı. Onıñ tört qızı men wlı büginde erjetip ülgergen.

"The Qazaq Times"