Keşe, naurızdıñ 3-i Şımkenttegi äkimşilik izolyatordıñ jäne Oraldağı äkimdik ğimaratınıñ aldına jinalğan on şaqtı azamat Jäkişevten özge de «sayasi twtqındardı» bosatudı talap etti.

Şımkent belsendileri osığan deyin birneşe ret qamalğan Mwrat Baydäuletovti kezekti äkimşilik jazasın ötep şığuımen kütip aldı.

«Mwhtar Jäkişev sayasi közqarası üşin sottaldı» dep sanaytın olar «Qazaqstanda sayasi twtqındar köp, olardıñ bäri de bosatıluı kerek» degen talap qoydı. Sonday-aq Azattıqtıñ aytuınşa, narazılar qolına «Sayasi twtqındarğa bostandıq!» degen jazuı bar plakat wstap şıqqan äri «Köşe partiyası jasasın!» dep wrandatıptı.

Däl osı küni Oral qalasınıñ äkimdigi aldındağı Abay alañında  üş «sayasi twtqındardı dereu bosatudı jäne belsendilerdi qudalamaudı» talap etti.

Azattıqtıñ habarlauınşa, akciyağa qatısqandardıñ qolında «Sayasi twtqındarğa bostandıq! Aron Atabek, Maks Boqaev, Mwhtar Jäkişev» degen jazuı bar plakat bolğan.

Zeynetker Qaliolla Gumarov «Dulat Ağadildi öltirdi. Jäkişevtiñ densaulığı naşarlağanın estidik. Mwhtar Jäkişevtiñ talantın bäri moyındaydı. Onıñ eş kinäsi joq. Men özim nauqaspın. Biraq soğan qaramastan alañğa keldim. Barlıq sayasi twtqındardı bosatudı talap etemin», – deydi.

Jartı sağatqa sozılğan akciya barısında özin äkimdik ökili dep tanıstırğan qızmetker piketti toqtatuğa şaqırğanımen narazılar oğan qwlaq aspağan.

Keşe 2009 jıldıñ mamır ayınan beri abaqtıda otırğan tehnokrat önertapqış, «QazaqAtomÖnerkäsip» kompaniyasın on jıl basqarğan bwrınğı , qwqıq qorğauşılar «sayasi twtqın» sanatına qosqan Mwhtar Jäkişevke sot merziminen bwrın şarttı türde bosatuğa ükim şığardı.

“The Qazaq Times”