Halqına qaltqısız qızmet etudiñ ozıq ülgisin tanıtqan HH ğasırdağı Arıstarımız turalı ğibrattı fil'mder jarıqqa şıqtı.

Qay zamanda da, qay halıqqa bolsın Jer men Til mäselesi qasietti de kieli wğım. Öytkeni wlttıñ saqtaluına da, joğaluına da sebep bolatın eki-aq närse bolsa, ol - Jeri men Tili! Osı ekeuin joğaltqan jwrttıñ özi de joğaladı. Qazaq eli üşin azabı men ğajabı, sorı men bağı qatar örilgen HH-nşı ğasırdı saralaytın bolsaq, kezeñder tuğızğan qwndı qwbılıstar men qayşılıqtar qarapayım halıqpen qatar, bilik basındağılardıñ da tağdırında körinis tauıp jattı. Wltınıñ ülesine wlı qwbılıs jasau jolında sol HH-nşı ğasırdıñ alıptarı öz bäsekelesteriniñ bäsin tüsirip, kegin qozdırdı. Köre almauşılıq qoysın ba, bilik bwlardıñ bärin endi jolın kespestey etip, biik şıñnan qwzğa qaray domalattı ... Bwl alıptardıñ qatarında kimder bar edi?...

...Sonau 1920 jılı qazaq jeriniñ twtastığı jolında basın qaterge tigip V.Leninge deyin barğan, söytip 5,5 mln qazaq wltı twrıp jatqan 3.467.922 şarşı şaqırım Jer kölemin bekittirip, öz missiyasın adal atqarıp şıqqan nebäri 29 jastağı Älimhan Ermekov pen Alaş kösemderi boldı.

Keşegi Keñester Odağın Hruşev basqarğandağı eñ zor sayasi qateligi - qazaq dalasın sınaq alañına aynaldıruı men jerin bölşektep Mäskeuge bağındırğısı kelui, al, mwnaylı aymağın Türkimenstan men Äzirbayjanğa, oñtüstik öñirdi Özbekstanğa bere saluı siyaqtı zwlımdıq ideyasına aşıqtan-aşıq qarsı şığıp, wltınıñ müddesin qolındağı bilikten de biik qoyğan Nwrtas Oñdasınov, «Kisendeuli jolbarıs» atanğan Jwmabek Täşenev,

jan baspağan japan dalamızdıñ qoynauınan «qara altınnıñ» qoymasın aşqan Qanış Sätpaev pen Şahmardan Esenovter, sonday-aq, «Aziyanıñ asau jüregi» atanğan Ospan batır edi...

Endeşe, osı alıptardıñ telegey-teñiz ğwmır-dariyası kino tilinde köpşilik halıqpen didarlasuğa dayın!
Ardaqtı arıstarımız turalı fil'mderdi «ÜouTube» arqılı «NazgülAbutrapova» dep terip, osı avtopdıñ arnasınan köruge boladı.
El degende qaşan da elgezek ärbir wltjandı azamattı osı fil'mderdi köruge şaqıramız.
Fil'm tüsiru ideyasınw sınıp, keñesşilik körsetken Düniejüzi qazaqtarınıñ qauımdastığı Törağasınıñ birinşi orınbasarı Zauıtbek Twrısbekov.
Fil'mderdiñ avtorı Nazgül Abutrapova.

"The Qazaq Times"