Saud Arabiyasınıñ qarulı küşteri Irandı 8 sağattıñ işinde tas-talqan etuge qauqarlı.

Saud Arabiya hanzadası Abdulla bin Swltan bin Nasser äl-Saud öziniñ Twitter paraqşasında Iranğa qatıstı mälimdeme jasadı. Onda ol Saud Arabiya armiyası betpe-bet qaqtığısta Irandı 8 sağattıñ işinde tas-talqan etetindigin ayttı.

«Älemde bizdiñ birligimizge, damuımızğa, şeşim qabıldauımızğa teñ keletin küş joq. Saud Arabiyasınıñ qarulı küşteri Irandı betpe-bet qaqtığısta 8 sağattıñ işinde jer betinen joyıp jiberedi» - degen Bin Nasser öz jazbasında.

Hanzada sözderine dälel retinde jaqında jariyalanğan Er-Riyad äskeri quatına baylanıstı esepti wsınadı.  Onda «Iran wşaqtarı eşuaqıtta Saud Arabiya aumağına jete almaytındığı, Tehran äue parki Keñester Odağınan qalğan MiG-29 wşaqtarı men älsiz otandıq önimdermen jabdıqtalğandığı jöninde aytılğan.

Ayta ketetin bir jayt, qazirgi uaqıtta Saud Arabiya armiyası Yemende äskeri operaciya jürgizude. Sarapşılar pikirinşe, Er-Riyad armiyası el biligi aytqanday küşke ie emes.

"The Qazaq Times"