ساۋد ارابياسىنىڭ قارۋلى كۇشتەرى يراندى 8 ساعاتتىڭ ىشىندە تاس-تالقان ەتۋگە قاۋقارلى.

ساۋد ارابيا حانزاداسى ابدۋللا بين سۇلتان بين ناسسەر ءال-ساۋد ءوزىنىڭ Twitter پاراقشاسىندا يرانعا قاتىستى مالىمدەمە جاسادى. وندا ول ساۋد ارابيا ارمياسى بەتپە-بەت قاقتىعىستا يراندى 8 ساعاتتىڭ ىشىندە تاس-تالقان ەتەتىندىگىن ايتتى.

«الەمدە ءبىزدىڭ بىرلىگىمىزگە، دامۋىمىزعا، شەشىم قابىلداۋىمىزعا تەڭ كەلەتىن كۇش جوق. ساۋد ارابياسىنىڭ قارۋلى كۇشتەرى يراندى بەتپە-بەت قاقتىعىستا 8 ساعاتتىڭ ىشىندە جەر بەتىنەن جويىپ جىبەرەدى» - دەگەن بين ناسسەر ءوز جازباسىندا.

حانزادا سوزدەرىنە دالەل رەتىندە جاقىندا جاريالانعان ەر-رياد اسكەري قۋاتىنا بايلانىستى ەسەپتى ۇسىنادى.  وندا «يران ۇشاقتارى ەشۋاقىتتا ساۋد ارابيا اۋماعىنا جەتە المايتىندىعى، تەھران اۋە پاركى كەڭەستەر وداعىنان قالعان ميگ-29 ۇشاقتارى مەن ءالسىز وتاندىق ونىمدەرمەن جابدىقتالعاندىعى جونىندە ايتىلعان.

ايتا كەتەتىن ءبىر جايت، قازىرگى ۋاقىتتا ساۋد ارابيا ارمياسى يەمەندە اسكەري وپەراتسيا جۇرگىزۋدە. ساراپشىلار پىكىرىنشە، ەر-رياد ارمياسى ەل بيلىگى ايتقانداي كۇشكە يە ەمەس.

"The Qazaq Times"