28 tamız ötken Wlttıq qoğamdıq senim keñesiniñ alğaşqı otırısına dayındıq jönindegi wyımdastıru kezdesui. Foto: aşıq derekköz

6 qırküyek elordada bastamaşıldıq twrğısınan Parlamentke qarağanda sergek, biraq qwzireti şekteuli, zañdıq quatı joq Wlttıq qoğamdıq senim keñesiniñ alğaşqı otırısı ötedi.

Esteriñizde bolsa, Saylaudan keyin 12 mausım Toqaev wlıqtau räsiminde bilik pen bwqara arasında dialog ornatu üşin Wlttıq qoğamdıq senim keñesi qwrılatının mälimdegen bolatın. Sol küni-aq «QR Prezidentiniñ janındağı Wlttıq qoğamdıq senim keñesin qwru turalı» jarlıq şığarılğan edi.

Parlament atqaruı tiis qızmetti arqalağan qoğamdıq keñes qwramına belgili memleket jäne qoğam qayratkerleri, sayasi partiyalar, ükimettik emes sektor ökilderi kiretin Wlttıq keñes qazirgi tañda eñ özekti degen äleumettik mäselelerdi talqılaydı. 45-ke tarta müşesi bar köpsalalı keñestiñ Erejesinde qwzireti qoğamdıq saraptama jürgizu; problemalardı qarau; jwrtşılıqtıñ, işinara sındarlı dialogtı qamtamasız etu mindettemelerimen belgilengen. Eşqanday zañdıq nemese irgeli özgeriske bastaytın yusticiyalıq statusı joq.

28 tamızda memleket basşısı Prezident äkimşiliginiñ basşısı, Keñes törağasınıñ orınbasarı Qırımbek Köşerbaevtıñ basşılığımen Wlttıq qoğamdıq senim keñesiniñ qwramındağı qoğam qayratkeri, publicist Seydahmet Qwttıqadammen, Azamattıq al'yans prezidenti Asılbek Qojahmetovpen, «Sakraldı Qazaqstan» ĞZO jetekşisi Berik Äbdiğalimen t.b. müşelerimen birqatar kezdesuler ötkizdi. Bizge belgilisi, qoğamdıq keñes müşeleri sayasi-äleumettik, äleumettik-gumanitarlıq jäne ekonomikalıq bolıp 3 topqa jiktelgen. Bügin üş top öz wsınıstarın, josparların, talap-tilekterin keñestiñ alğaşqı otırısında aytuı tiis.

Soñğı jıldarı Qazaqstan halqınıñ äleumettik-sayasi ömiri qiındağanın rastağan Toqaevtıñ Parlamentten tıs Wlttıq qoğamdıq senim keñesin qwru ideyası köptegen täuelsiz sarapşılar tarapınan sınalıp, «kosmetikalıq reformalar», «aldarqatuşılıq» dep bağalanğan edi.

"The Qazaq Times"