بۇگىن ۇلتتىق قوعامدىق سەنىم كەڭەسىنىڭ العاشقى وتىرىسى وتەدى

6 قىركۇيەك ەلوردادا باستاماشىلدىق تۇرعىسىنان پارلامەنتكە قاراعاندا سەرگەك، بىراق قۇزىرەتى شەكتەۋلى، زاڭدىق قۋاتى جوق ۇلتتىق قوعامدىق سەنىم كەڭەسىنىڭ العاشقى وتىرىسى وتەدى.

ەستەرىڭىزدە بولسا، سايلاۋدان كەيىن 12 ماۋسىم توقاەۆ ۇلىقتاۋ راسىمىندە بيلىك پەن بۇقارا اراسىندا ديالوگ ورناتۋ ءۇشىن ۇلتتىق قوعامدىق سەنىم كەڭەسى قۇرىلاتىنىن مالىمدەگەن بولاتىن. سول كۇنى-اق «قر پرەزيدەنتىنىڭ جانىنداعى ۇلتتىق قوعامدىق سەنىم كەڭەسىن قۇرۋ تۋرالى» جارلىق شىعارىلعان ەدى.

پارلامەنت اتقارۋى ءتيىس قىزمەتتى ارقالاعان قوعامدىق كەڭەس قۇرامىنا بەلگىلى مەملەكەت جانە قوعام قايراتكەرلەرى، ساياسي پارتيالار، ۇكىمەتتىك ەمەس سەكتور وكىلدەرى كىرەتىن ۇلتتىق كەڭەس قازىرگى تاڭدا ەڭ وزەكتى دەگەن الەۋمەتتىك ماسەلەلەردى تالقىلايدى. 45-كە تارتا مۇشەسى بار كوپسالالى كەڭەستىڭ ەرەجەسىندە قۇزىرەتى قوعامدىق ساراپتاما جۇرگىزۋ; پروبلەمالاردى قاراۋ; جۇرتشىلىقتىڭ، ءىشىنارا سىندارلى ديالوگتى قامتاماسىز ەتۋ مىندەتتەمەلەرىمەن بەلگىلەنگەن. ەشقانداي زاڭدىق نەمەسە ىرگەلى وزگەرىسكە باستايتىن يۋستيتسيالىق ستاتۋسى جوق.

28 تامىزدا مەملەكەت باسشىسى پرەزيدەنت اكىمشىلىگىنىڭ باسشىسى، كەڭەس توراعاسىنىڭ ورىنباسارى قىرىمبەك كوشەرباەۆتىڭ باسشىلىعىمەن ۇلتتىق قوعامدىق سەنىم كەڭەسىنىڭ قۇرامىنداعى قوعام قايراتكەرى، پۋبليتسيست سەيداحمەت قۇتتىقاداممەن، ازاماتتىق اليانس پرەزيدەنتى اسىلبەك قوجاحمەتوۆپەن، «ساكرالدى قازاقستان» عزو جەتەكشىسى بەرىك ابدىعاليمەن ت.ب. مۇشەلەرىمەن بىرقاتار كەزدەسۋلەر وتكىزدى. بىزگە بەلگىلىسى، قوعامدىق كەڭەس مۇشەلەرى ساياسي-الەۋمەتتىك، الەۋمەتتىك-گۋمانيتارلىق جانە ەكونوميكالىق بولىپ 3 توپقا جىكتەلگەن. بۇگىن ءۇش توپ ءوز ۇسىنىستارىن، جوسپارلارىن، تالاپ-تىلەكتەرىن كەڭەستىڭ العاشقى وتىرىسىندا ايتۋى ءتيىس.

سوڭعى جىلدارى قازاقستان حالقىنىڭ الەۋمەتتىك-ساياسي ءومىرى قيىنداعانىن راستاعان توقاەۆتىڭ پارلامەنتتەن تىس ۇلتتىق قوعامدىق سەنىم كەڭەسىن قۇرۋ يدەياسى كوپتەگەن تاۋەلسىز ساراپشىلار تاراپىنان سىنالىپ، «كوسمەتيكالىق رەفورمالار»، «الدارقاتۋشىلىق» دەپ باعالانعان ەدى.

"The Qazaq Times"