Sannan sapağa: Zelenskiy Ukraina Konstituciyasına özgerister engizdi

Osı aptada Ukraina prezidentiniñ tapsırmasımen Joğarğı rada Konstituciyağa özgerister engizu turalı şeşimdi maqwldadı. Parlamenttiñ 373 müşesi qoldap dauıs bergen segiz özgeristiñ biri – deputatqa tiispeuşilik qwqığın şekteu.

Vladimir Zelenskiydiñ Konstituciyağa qarastı jaña zañ jobaların wsınuı – prezident pen Joğarğı rada deputattarı arasında qızu diskussiyağa wlastı. Äsirese, talqılau barısında reglament bwzıldı dep «sınıqqa sıltau» izdegen reseyşil bağıttağı «Oppoziciyalıq partiya – ömir üşin» partiyasınıñ deputattarı jaña özgeristerdi maqwldaudan bas tarttı. Osığan qatıstı Zelenskiy: «Ukraina deputattarı bügingi künge deyin ğajayıp jañalıq engizdi: olar sayasatta küşin joymaytınday «qwrılğı» oylap taptı. Onıñ qızmeti öte oñay: aldımen, kandidattar halıq aldında uädesin üyip-tögedi, jobasın tanıstıradı, biraq keyinnen uäde orındalmaydı. Mwnımen qosa, olar tiispeuşilik qwqığın ielenedi. Halıq wmıtqannan keyin, qaytadan saylauğa tüsedi. Endi bwl qwrılğını tarih qoqıstarınıñ qatarına qosar kez keldi», – dep mälimdedi.

Sonımen, Ukraina Joğarğı radası maqwldağan özgerister boyınşa, birinşiden, Konstituciyada jazılğan «parlament deputatın twtqındauğa nemese Radanıñ kelisiminsiz qılmıstıq jauapkerşilikke tartuğa bolmaydı» degen mätin mañızın joydı;

Ekinşiden, «sannan sapağa» wsınısına säykes, rada deputattarınıñ sanı 450-den 300-ge azaydı. Sonımen qatar, är deputat memlekettik tildi jetik meñgeruge mindetti;

Üşinşiden, Parlamentke qoğam ömiriniñ türli salalarında zañdar men Konstituciyanıñ saqtaluın qadağalaytın uäkilderdi tağayındau qwqığı berildi;

Törtinşiden, rada şendileri talaptardı bwzıp, qızmetine selqos qarağan jağdayda, deputattıq mandatınan ayırıladı;

Besinşiden, bilik jürgizu kezinde halıqtıñ rölin bir satığa joğarılatu. Zelenskiy bwl jöninde: «Halıqtıñ memleket sayasatına aralasuı, aytarlıqtay därejege ie boluı, pikirine qwlaq asu – meniñ saylaualdı jobamnıñ negizgi kilti bolatın. Mwnday özgerister demokratiyası mığım batıstıq elderge tän. Tüptiñ tübinde, däl osı halıq Konstituciyanıñ negizgi qaynar közi sanaladı», – dedi.

Altınşıdan, prezident täuelsiz, erkin wyımdar qwrıp, Wlttıq antikorrupciya jäne Memlekettik zertteu byurosınıñ basşısın saylau, otstavkağa jiberu qwqığına ie boldı;

Jetinşiden, Konstituciya halıq deputatına dauıs beru nätijesi nemese Joğarğı rada men onıñ organdarında aytqan sözi üşin zañ aldında jauapqa tartılmaytındığına (ar-namısqa tiyu nemese jala jabudı qospağanda) kepil beredi;

Segizinşiden, Joğarğı radağa jeke keñesşilik organdarın qwruğa mümkindik berildi.

Söz soñında, Ukrainanıñ demokratiyalı, batıstıq damığan ülgidegi memleket ekenin tilge tiek etken Vladimir Zelenskiy joğarıda atalğan özgeristerdiñ halıq, memleket üşin mañızına toqtaldı.

"The Qazaq Times"