بۇگىن ەلوردانىڭ ءماجىلىس ۇيىندە VI شاقىرىلىمداعى قر پارلامەنتىنىڭ بەسىنشى سەسسياسىنىڭ اشىلۋىنا وراي پرەزيدەنت توقاەۆتىڭ توراعالىعىمەن پارلامەنت پالاتالارىنىڭ بىرلەسكەن وتىرىسى ءوتىپ جاتىر. جيىندا پرەزيدەنت قازاقستان حالقىنا جولداۋ جاساۋدا.
جولداۋ ن.نازارباەۆتىڭ ءداستۇرلى كوممۋنيكاتسيالىق فورماسى. 9 ءساۋىر توقاەۆ قازاقستان حالقىنا ۇندەۋىندە «ءبىز ەلباسىمىزدىڭ ارقاسىندا تاۋەلسىز، قۋاتتى مەملەكەت قۇردىق. ...ءبىز ەلباسىنىڭ سارا جولىمەن جۇرەمىز» دەگەنى بار. كەزەكتى جولداۋ – جاڭا پرەزيدەنتتىڭ بۇرىنعى فورماداعى العاشقى مالىمدەمەسى. راسىمەن دە ساباقتاستىقتى بەرىك ۇستانىمى دەپ بىلەتىن ەكىنشى پرەزيدەنت «ەلباسىنىڭ سارا جولىنىڭ» ۇلگىسىن تانىتىپ كەلەدى.
مەملەكەت باسشىسى ق.توقاەۆ تامىزدىڭ 10-ى حالىققا جولداۋ جاريالايتىنى تۋرالى حابارلاعان ەدى. پرەزيدەنت ءتىپتى جولداۋدا كوتەرىلەتىن ماسەلەلەردىڭ شەت جاعاسىن ايتىپ قالعان. ساياسي ينتريگالىق حابارلاماعا ەلەڭدەپ وتىرعان ەل قاراسى قالىڭ.
«2 قىركۇيەككە جوسپارلانعان حالىققا جولداۋىمدا ەسىرتكى بيزنەسى، پەدوفيليا، جىنىستىق زورلىق-زومبىلىق جانە جەكە تۇلعاعا قارسى جاسالاتىن باسقا دا اۋىر قىلمىستارعا قاتىستى جازالاۋ شارالارىن قاتاڭداتۋ جونىندە پارلامەنتكە جانە ۇكىمەتكە تاپسىرمالار جۇكتەلەدى»، – دەپ جازعان ەدى توقاەۆ Twitter پاراقشاسىندا. 10 تامىز 2019 جىل.
توقاەۆ ءوز جولداۋىندا «ميتينگتەر تۋرالى زاڭنامانى جەتىلدىرۋ قاجەتتىگى»، وعان «ارنايى ورىن بولىنەتىنىن» ايتتى. سونىمەن قاتار ەلد جاڭا كەزەڭدەگى دامىتۋدا «مەن حالىققا بەرگەن ۋادەلەرىمدى مىندەتتى تۇردە ورىندايمىن»، – دەدى.
جيىندا كوپتاقىرىپتى جولداۋدىڭ ءبىر توبەسى رەتىندە دەپۋتاتتاردىڭ حالىققا قاراي بەت بۇرىپ، ەلدىڭ تۇيتكىلدى ماسلەلەرىن قوزعاي الماۋىنا سىن ايتىلدى. «ءبىزدىڭ قوعامدى مازالاعان نەگىزگى ماسەلەلەر كوشەلەردە ەمەس، ازاماتتىق ديالوگ اياسىندا پارلامەنتتە شەشىلۋى ءتيىس. دەپۋتاتتار ءوزىنىڭ زاڭدى قۇقىعىن پايدالانىپ، ۇكىمەتكە وزەكتى ماسەلەلەر تۋرالى ساۋال جولداپ، ودان ناقتى شارالاردى قابىلداۋدى تالاپ ەتۋى كەرەك»، – دەدى پرەزيدەنت قازاقستان حالقىنا جولداۋىندا.
ەستەرىڭىزگە سالا كەتەيىك، 1997 جىلى 16 قازاندا ن.نازارباەۆتىڭ ەل ميسسياسىن، ەڭ ماڭىزدى 7 پريوريتەت پەن ناقتى 8 قادامدى ايقىنداعان العاشقى «قازاقستان حالقىنا جولداۋى» تەك ورىس تىلىندە جاسالعان ەدى. سودان بەرى ەكس-پرەزيدەنت ن.نازارباەۆ ءوز وكىلەتتىلىگى تۇسىندا 24 رەت جولداۋ جاساپ, بىرنەشە ءىرى-ءىرى جوبالاردى جاريالاعان. ءبىر قىزىعى، باستاپقى كەزەڭدەردە 8 جولداۋ (8 جىلدا) سيمۆوليكالىق ماندە كۇنتىزبە بويىنشا ايدىڭ 16-سى جولدانىپ جۇرگەن.
ال 20 ناۋرىزدان باستاپ ەل پرەزيدەنتى قاسىم-جومارت توقاەۆ جاريالى تۇردە 13 مارتە مالىمدەمە جاساعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟