Aqtauda halıqaralıq turistik forum ayasında Kaspiy mañı memleketteriniñ bes jaqtı keñesi ötti. Osı rette Äzirbayjan, Resey, Iran jäne Türikmenstan ökilderi Qazaqstanda bas qosıp, Kaspiy teñizindegi turizmdi damıtudı talqıladı. 

Sonımen qatar, aldağı uaqıtta teñiz jağalauında birlesken turistik bağıttar aşu josparlanğan. Birlesken joba ayasında Kaspiy mañındağı bes memleket tranzit, temirjol qatınası, qorşağan ortanı qorğau jäne aymaqtıq qauipsizdik salalarında özara ıntımaqtastıq ornatqan bolatın.

Bıltır 12 tamızda Aqtauda V Kaspiy sammiti ötip, teñizde oqıs oqiğalardı boldırmau kelisimine qol qoyılğan. Qwjat bes memlekettiñ äskeri kemeleri men wşaqtarınıñ qauipsizdigin qamtamasız etu maqsatında jasaldı. Sammitke Qazaqstan, Äzirbayjan, Türkimenstan, Resey jäne Iran basşıları qatısıp, taraptar Kaspiy teñiziniñ qwqıqtıq märtebesine qatıstı mäselelerdi qarastırdı. Sonımen qatar, basqosuda memleket basşıları bes jaqtıq ükimet aralıq qwjattarğa, sauda-ekonomikalıq, qauipsizdik, ekologiya jäne transport salaları boyınşa birlesip jwmıs isteuge qatıstı qwjattarğa qol qoyılğan. Qazirgi uaqıtta osı kelisimdi Qazaqstan, Türikmenstan jäne Äzerbayjan ratifikaciyaladı.

Kaspiy teñiziniñ qwqıqtıq märtebesine qatıstı kelisimge joğarıda atalğan bes memleket 20 jıldan astam uaqıt boyı beligi bir kelisimge kele almağan Oğan bastı sebep Kaspiy jağalauında ornalasqan Qazaqstan, Äzirbayjan, Türkimenstan, Resey jäne Irannıñ teñizdi öz ara bölise almauı. Negizinen Kaspiydiñ qwqıqtıq märtebesin anıqtau jwmısı 1996 jıldan beri jürgen. Konvenciya jobasın 2017 jılı Kaspiy mañı elderi sırtqı ister ministrleriniñ keñesui barısında bekitken. Atalğan kelisim bes eldiñ teñizşileri men wşqıştarı arasında dostıq qatınatıstı nığaytıp, Kaspiy teñizinde kemelerdiñ soqtığısuın boldırmauğa arnalğan halıqaralıq erejelerdiñ engiziluin tezdetti.

"The Qazaq Times"