Memleket basşısı Qasım-Jomart Toqaev Wlıtaudağı Joşı han kesenesinde. 24 tamız 2019 jıl. Foto: Aqorda

24 tamız «Wlıtau» wlttıq tarihi-mädeni jäne tabiği mwrajay qorığında ötken «Wlıtau 2019» halıqaralıq turistik forumında el prezidenti Qasım-Jomart Toqaev Qazaqstanğa juırda 9 millionğa deyin turist kele alatının mälimdedi.

Aqorda Baspasöz qızmetiniñ habarlauınşa, prezident Toqaev «Biz salalıq memlekettik bağdarlamanı qabıldadıq. Onı tolıq jüzege asıru turizm ülesin JİÖ-degi 8 payızğa deyin arttıruğa mümkindik beredi. Keluşilerdiñ sanı 9 millionğa deyin, al işki turisterdiñ sanı 8 millionğa deyin ösui tiis. Osı salada jwmıs isteytin adamdardıñ sanın 650 mıñ adamğa jetkizu kerek», – degen twitter  paraqşasında.

Forumda söylegen sözinde memleket basşısı «Wlıtau – halıqaralıq deñgeydegi etnografiyalıq turizmniñ ortalığı boluı tiis», – dedi. Sonday-aq Joşı hannıñ kesenesin etnomädeni turnısanğa aynaldıru qajettigin aytqan prezident birqatar öz wsınıstarımen bölisti.

– Köptegen şeteldik turisterdi bes jwldızdı qonaqüyler, kurorttar siyaqtı ämbebap dünieler jalıqtırdı. Olardı ärtürli halıqtardıñ mädenietin, ädet-ğwrpı men salt-dästürin zertteu, barğan eldiñ tarihımen tanısu qızıqtıradı. Sondıqtan, älemde özindik erekşeligi bar jerlerge baruğa, tarihi festival'darğa jäne köne äri qayta qalpına keltirilgen mañızdı oqiğalarğa qatısuğa degen swranıs artıp otır. Biz osınday ürdisterdi paydalanuımız qajet. Qazaqstannıñ älemge wsınatın biregey orındarı bar, – dedi ol.

Qazirgi tañda respublika boyınşa «QR-dağı turistik qızmet turalı» zañı ayasında  512 turagenttik jwmıs jasaydı. Älemniñ köptegen elderiniñ damu vektorına aynalğan turizm industriyası bizde äli jüyelenip, jolğa qoyılmağandığı belgili. Toqaev toğızınşı territoriyanıñ  turistik äleueti men onı damıtudıñ mindetteri turalı ayta otırıp, salalıq käsibi kadrlardı dayarlaudıñ mañızdılığın söz etti.

– Turizm – öte kürdeli sala. Tiisti mamandardı dayındauımız kerek. Sondıqtan Turizm universitetin aşu jöninde şeşim qabıldadıq. Däl osı salada jwmıs istey alatın bilikti kadrlardı dayındauımız qajet, – dedi prezident.

Elimizde  erekşe qorğauğa alınğan tabiği territoriyaları respublikanıñ 9 % aumağın, yağni 24,7 million. gektardı qamtidı. Atalmış tabiği resurstar qorın saqtau-qorğauğa alınğan aymaqta 13 Wlttıq park keşenderi bar. Olardıñ qızmeti tiisti zañ negizinde  iske asırıladı. Statistikalıq mälimet boyınşa, wlttıq parkterde jıl sayın demalatın turister sanı şamamen 8% qwraydı. 2018 jılğı mälimet boyınşa 1,3 million halıq demalısın wlttıq parkterde ötkizgen.

«Wlıtau 2019» halıqaralıq turistik forumında el prezidenti Qasım-Jomart Toqaev mälimdeme jasauda. 24 tamız 2019 jıl. Foto: Aqorda

Halıqaralıq forumğa qatısuşı şeteldik qonaqtar. 24 tamız 2019 jıl. Foto: Aqorda

«Wlıtau 2019» halıqaralıq turistik forumında el prezidenti Q.Toqaev otandıq turizm industriyasına qatıstı mäseleler turalı ayttı. 24 tamız 2019 jıl. Foto: Aqorda

Forumğa alıs-jaqınnan kelgen är türli wyımdardıñ ökilderi. 24 tamız 2019 jıl. Foto: Aqorda

Prezident Q.Toqaev pen forum qatısuşıları şaranıñ soñında. 24 tamız 2019 jıl. Foto: Aqorda

"The Qazaq Times"