اقتاۋدا حالىقارالىق تۋريستىك فورۋم اياسىندا كاسپي ماڭى مەملەكەتتەرىنىڭ بەس جاقتى كەڭەسى ءوتتى. وسى رەتتە ءازىربايجان، رەسەي، يران جانە تۇرىكمەنستان وكىلدەرى قازاقستاندا باس قوسىپ، كاسپي تەڭىزىندەگى ءتۋريزمدى دامىتۋدى تالقىلادى. 

سونىمەن قاتار، الداعى ۋاقىتتا تەڭىز جاعالاۋىندا بىرلەسكەن تۋريستىك باعىتتار اشۋ جوسپارلانعان. بىرلەسكەن جوبا اياسىندا كاسپي ماڭىنداعى بەس مەملەكەت ترانزيت، تەمىرجول قاتىناسى، قورشاعان ورتانى قورعاۋ جانە ايماقتىق قاۋىپسىزدىك سالالارىندا ءوزارا ىنتىماقتاستىق ورناتقان بولاتىن.

بىلتىر 12 تامىزدا اقتاۋدا V كاسپي ءسامميتى ءوتىپ، تەڭىزدە وقىس وقيعالاردى بولدىرماۋ كەلىسىمىنە قول قويىلعان. قۇجات بەس مەملەكەتتىڭ اسكەري كەمەلەرى مەن ۇشاقتارىنىڭ قاۋىپسىزدىگىن قامتاماسىز ەتۋ ماقساتىندا جاسالدى. سامميتكە قازاقستان، ءازىربايجان، تۇركىمەنستان، رەسەي جانە يران باسشىلارى قاتىسىپ، تاراپتار كاسپي تەڭىزىنىڭ قۇقىقتىق مارتەبەسىنە قاتىستى ماسەلەلەردى قاراستىردى. سونىمەن قاتار، باسقوسۋدا مەملەكەت باسشىلارى بەس جاقتىق ۇكىمەت ارالىق قۇجاتتارعا، ساۋدا-ەكونوميكالىق، قاۋىپسىزدىك، ەكولوگيا جانە ترانسپورت سالالارى بويىنشا بىرلەسىپ جۇمىس ىستەۋگە قاتىستى قۇجاتتارعا قول قويىلعان. قازىرگى ۋاقىتتا وسى كەلىسىمدى قازاقستان، تۇرىكمەنستان جانە ازەربايجان راتيفيكاتسيالادى.

كاسپي تەڭىزىنىڭ قۇقىقتىق مارتەبەسىنە قاتىستى كەلىسىمگە جوعارىدا اتالعان بەس مەملەكەت 20 جىلدان استام ۋاقىت بويى بەلىگى ءبىر كەلىسىمگە كەلە الماعان وعان باستى سەبەپ كاسپي جاعالاۋىندا ورنالاسقان قازاقستان، ءازىربايجان، تۇركىمەنستان، رەسەي جانە يراننىڭ تەڭىزدى ءوز ارا بولىسە الماۋى. نەگىزىنەن كاسپيدىڭ قۇقىقتىق مارتەبەسىن انىقتاۋ جۇمىسى 1996 جىلدان بەرى جۇرگەن. كونۆەنتسيا جوباسىن 2017 جىلى كاسپي ماڭى ەلدەرى سىرتقى ىستەر مينيسترلەرىنىڭ كەڭەسۋى بارىسىندا بەكىتكەن. اتالعان كەلىسىم بەس ەلدىڭ تەڭىزشىلەرى مەن ۇشقىشتارى اراسىندا دوستىق قاتىناتىستى نىعايتىپ، كاسپي تەڭىزىندە كەمەلەردىڭ سوقتىعىسۋىن بولدىرماۋعا ارنالعان حالىقارالىق ەرەجەلەردىڭ ەنگىزىلۋىن تەزدەتتى.

"The Qazaq Times"