Bwrınğı Mañğıstau oblısı äkiminiñ birinşi orınbasarı qızmetindegi Serik Amanğaliev jemqorlıq küdigi boyınşa jazağa kesildi. Foto: obk.kz

Bügin, 27 tamız Mañğıstau oblıstıq mamandandırılğan audanaralıq qılmıstıq sot isteriniñ sud'yası aymaq äkiminiñ orınbasarı bolğan Serik Amanğalievke qatıstı jemqorlıq ayıbı boyınşa sot ükimin şığardı.

"inAktau" öñirlik aqparat qızmetiniñ habarlauınşa, Amanğaliev ötken jıldıñ 3 qaraşasında Jemqorlıqqa qarsı Wlttıq byuronıñ qatısuımen Aqtau halıqaralıq äuejayında çeh qwrılıs kompaniyasınan Mwz sarayın salu jobasına baylanıstı uädelesken 400 mıñ euronıñ 115 mıñın alu üstinde qolğa tüsken. 2017-2018 jıldarı äkim orınbasarı qızmetinde bolğan eks-şeneunikke sot QR Qılmıstıq kodeksiniñ «Asa iri kölemde para alu» 366-babına say, 10 jılğa bas bostandığınan ayıru jazasın kesti. Sonımen qatar, ol ömirboyı memlekettik qızmette lauazımdı qızmet atqaruğa, memlekettik organda jwmıs isteuge jäne memlekettiñ ülesi bar kompaniyalarda jäne ekinşi deñgeyli bankterde qızmet atqara almaydı. «Qwrmet» memlekettik nagradasınan ayırılğan eks-orınbasar jazasın qauipsizdigi tömen koloniyada öteytin boladı.

19 şildede sotı bastalğan Amanğaliev 22-si küngi soñğı sözinde öziniñ 35 jılın memleketke qızmet etuge arnağandığın, osı uaqıt aralığında alğaş ret jañılısqanın jäne asırauında qart ata-anası bar ekenin alğa tarta otırıp, sud'yadan «bas bostandığın şekteu jazasın qoldanbauın» swrap, ayıppwl türinde jazalauın aytıp edi.

"The Qazaq Times"