7 tamız Prezident Qasım-Jomart Toqaevtıñ qabıldauında bolğan  Qazaq Tağamtanu akademiyasınıñ prezidenti, akademik Töregeldi Şarmanov Memleket basşısına beyresmi jaña qoğamdıq birlestik – «Aqsaqaldar senatı» turalı aytqan. Jastar jılı  qwrılğan «Aqsaqaldar senatı»-nıñ müşeleri özderiniñ "mol täjiribesimen" böliskisi keledi.  

Atalmış Aqsaqaldar senatı üş adamnan twradı. Olar: Töre­gel­di Şarmanov, Oljas Süley­men­ov jäne Mwrat Äuezov.

Akademik Töregeldi Şarma­nov­tıñ aytuınşa, ol «Biz jası wlğay­ğan, ömirlik täjiri­besi mol adamdar retinde Aqsa­qal­dar sena­tın qwrıp, elimizde bolıp jat­qan türli jağday­lardıñ män-mağınasın wğıp-biluge öz aqıl-keñesimizdi bergimiz keledi. Qan­day­da bir tüytkilder payda bolğan kezde qoğamda belgili bir pikir­ler­diñ ığında ketip qaluşılıq  bolmay twrmaydı. Al ol moral'­dıq twrğıdan öte ziyandı», – degen.

Akademik Töregeldi Şarmanov Memleket basşısı Toqaevtıñ qabıldauında . 7 tamız 2019 jıl. Foto: abai.kz

Handıq däuir twsındağı biler institutınıñ bizdegi jwmısı mazmwndıq twrğıda toqtağan. Qazaqstan biliginiñ jii sınğa iligui men sılbır qozğalısı, basşılıq lauazımdağılardıñ jii jemqorlıqpen isti bolıp, qamaluı... bälkim şendilerdiñ wzaq merzimge otırıp qaluınan bolar. M.Mağauindi sıydırmay, bezdirgen bılğanğan keñistik tartısqa tolı. Mäsele qariyalarımızdı qwrmetteude emes, olardıñ eşbir özgeriske mwrındıq bola almay, keyingilerdiñ aldında wyatqa qalmauında. Äytpese, bwl qazaqtıñ orıntağına kimder kelip, kim ketpegen deysiz. Altınbek pen Zamanbekterdey arıstar otırğan mansap bärinen qalğan.

Alaşapandı körşi özbek jwrtınıñ är auılında «mahalla keñesi» bar, «atalar sözi – aqıldıñ közi» degen ideyamen äleumettik-qoğamdıq mäselelerde mümkindiginşe jön nwsqap, qoğam ömirine belsendi aralasıp otıradı. Täuelsiz sarapşılardıñ pikirinşe, senat deñgeyinde jaña birlestik qwrudıñ qajeti şamalı.

Belgili jurnalist Nwrgeldi Äbdiğaniwlı Qazaqstannıñ qartstanğa aynalıp bara jatqanına alañdauşılıq tanıtıp, mwnday keñestiñ qajettiligi qanşalıqtı degen mäsele kötergen. «Jer mitingisi, sayasi mitingiler, analar köterilisi, saylaudan keyingi sayasi diskussiyalar t.b. sekildi elişilik eñ aktualdı mäselelerge jarıtıp jaq aşpağan, äytpese, aşpaytın jaltaqşıl qariyalardıñ keñes qwrıp, kemeñgersuiniñ qajeti qanşa?», – degen N.Äbdiğaniwlı, bilik pen prezident aynalasında onsız da aqıl aytarlıq aqsaqaldardıñ jetkiliktiligin aytadı. Onıñ qısabınşa, Parlament Senatınıñ bir özinde  60-tan 79 jasqa deyingi 20 şaqtı alpıstan asqan senator-deputat bar. Al Parlament Mäjilis palatasında 61-den 82 jas aralığındağı 32 deputat bar eken. Qızıq! Osınday körsetkişpen jurnalist Qazaqstan däl qazir qariyalar keñesine mwqtaj boluı mümkin emes deydi.

Bwl turalı «jası 60-tan asqan, nemese 60-qa jetkenderdiñ sayasattağı röli – keñesşi ğana», – dep edi ayasatker Dos Köşim.

Nwrgeldi Äbdiğaniwlınıñ « Halıq eski kadrlardan äbden şarşadı. Täuelsizdik alğanımızğa 28 jıl. Sol 1991 jıldan bastap, küni büginge deyin sayasattı senip tapsıratın bir adam tärbieley almasaq, qalğanı bos söz!» degen uäji özekti, öñeş qaritın qiın mäseleniñ töbesin arşığanday.

Prezident basşısı Qasım-Jomart Toqaevtıñ 300 kadr rezerv dayındaymız degen köñilge ümit sıylap, artınan seyilgen jobası da kümändi, şiki. Olay deytinimiz «Nwr Otannıñ» «Jas qanatında», özge de bilik qwrılımdarında «läbbay, taqsırşıldardan» jasaqtaluı ıqtimal rezervtik korpus azamattıq qoğam men demokratiyalıq principterdiñ tezirek ayaqtanuına kedergi boluı mümkin. Memlekettik qızmetke täuelsiz közqarastağı «halıq müddesin» bastı qwndılıq retinde tanitın memleketşil azamat kelui tiis.

2019 jıldı «Jastar jılı» dep jariyalağan seksenge taqağan aqsaqal eks-prezidentimiz 66 jastağı senimdi ökilin prezidenttikke tağayındadı. Toqaev 9 mausımdağı Saylaudan keyin prezidenttikke saylandı. Jastar jılı «Aqsaqaldar senatı» qwrıldı. Äjem aytpaqşı «aqırın bersin», äyteuir.

Jurnalist Nwrgeldi Äbdiğaniwlınıñ dayındağan memlekettik kadrlardıñ jas erekşelikteri kartası:

Aqorda basşılığı:

QR Prezidenti Qasım-Jomart Toqaev – 66 jasta,

PÄ Jetekşisi Qırımbek Köşerbaev – 64 jasta,

Prezidenttiñ kömekşisi Qalmwhanbet Qasımov – 62 jasta,

Qauipsizdik keñesiniñ törağası Nwrswltan Nazarbaev – 79 jasta.

QR Ükimeti müşeleri:

Eñbek jäne halıqtı äleumettik qorğau ministri Berdibek Saparbaev – 66 jasta.

Parlament Senatı deputattarı:

Qwrmetti Senator – Nwrswltan Nazarbaev – 79 jasta.

Bekmırza Elamanov – 69 jasta,

Töleubek Mwqaşev – 69 jasta,

Talğat Mwsabaev – 68 jasta,

Marat Tağımov – 67 jasta,

Baqıtjan Jwmağwlov – 66 jasta,

Raşit Äkimov – 65 jasta,

Vladimir Volkov – 64 jasta,

Däuren Ädilbekov – 63 jasta,

Bektas Beknazarov – 63 jasqa toladı,

Serik Djaqsıbekov – 63 jasta,

Ğwmar Düysembaev – 63 jasqa toladı,

Mwhtar Jümağaziev – 63 jasqa toladı,

Erik Swltanov – 63 jasta.

Serik Bektwrğanov – 62 jasta (Zeynetke deyin 1 jılı bar),

Mwratbay Joldasbaev – 62 jasta (Zeynetke deyin 1 jılı bar),

Manap Köbenov – 62 jasta (Zeynetke deyin 1 jılı bar),

Düysenğazı Musin – 62 jasta (Zeynetke deyin 1 jılı bar),

Nwrjan Nwrsipatov – 62 jasta (Zeynetke deyin 1 jılı bar),

Mwrat Baqtiyarwlı – 61 jasta (Zeynetke deyin 2 jılı bar),

Älimjan Qwrtaev – 61 jasta (Zeynetke deyin 2 jılı bar),

Rısqali Äbdikerov – 60 jasta (Zeynetke deyin 3 jılı bar),

Äbdäli Nwraliev – 60 jasta (Zeynetke deyin 3 jılı bar),

Baqtıbay Şelpekov – 60 jasta (Zeynetke deyin 3 jılı bar).

Parlament Mäjilisi deputattarı:

Vladislav Kosarev – 82 jasta,

Quanış Swltanov – 74 jasta,

Twrğın Sızdıqov – 72 jasta,

Baqtıqoja İzmwhambetov – 71 jasta,

Vladimir Bojko – 70 jasta,

Qabibolla Jaqıpov – 70 jasta,

Güljan Qaraqwsova – 69 jasta,

Serik Ümbetov – 69 jasta,

Şaymardan Nwrımov – 69 jasta,

Jeksenbay Düysebaev – 69 jasta,

Sauıtbek Äbdirahmanov – 68 jasta,

Janat Jarasov – 68 jasta,

Ahmet Muradov – 68 jasta,

Abay Tasbolatov – 68 jasta,

Baqıtjan Ertaev – 67 jasta,

Erswltan Bektwrğanov – 67 jasta,

Asqar Bazarbaev – 65 jasta,

Mihalil Çirkov – 65 jasta,

Galina Baymahanova – 65 jasta,

Roman Kim – 64 jasta,

Omarhan Öksikbaev – 64 jasta,

Ekaterina Nikitinskaya – 64 jasta,

Mayra Aysina – 63 jasta,

Vasiliy Oleynik – 63 jasta,

Zäureş Amanjolova – 63 jasta,

Irina Aronova – 62 jasta,

Gülmira Isimbaeva – 62 jasta,

Svetlana Bıçkova – 62 jasta,

Zağipa Balieva – 61 jasta,

Gülnar Iksanova – 61 jasta,

Qwralay Qareken – 61 jasta,

Tatyana YAkovleva – 61 jasta.

Oblıs basşıları:

Almatı oblısı äkimi Amandıq Batalov – 67 jasta,

ŞQO äkimi Danial Ahmetov – 65 jasta.

«Aqsaqaldar Senatın» qosıñız:

Töregeldi Şarmanov – 88 jasta,

Oljas Süleymenov – 83 jasta,

Mwrat Äuezov – 76 jasta.

"The Qazaq Times"