AQŞ jaña zımırandı sınaqtan ötkizdi. Foto: AFP.

Amerika Qwrama Ştattarı 500 şaqırım qaşıqtıqqa wşıp bara alatın qanattı zımırandarın sınaqtan ötkizdi. Bwl AQŞ-tıñ orta jäne qısqa qaşıqtıqtağı zımırandardı şekteu turalı kelisimnen şığıp ketkennen keyingi alğaşqı zımıran sınağı. 

Zımıran sınağı turalı mälimetterdi Pentagon bügin ğana resmi mälimdeme taratılğanımen. sınaq jeksenbi küni ötken bolğan. Sınaq retinde wşırılğan zımıran 500 şaqırımğa deyin wşıp barıp közdeuli nısanağa tigen. Pentagonnıñ mälimdemesinde keler jılı naurızğa deyin 1000 şaqırımğa deyin wşuğa qabletti zımıran sınaqtarın ötkizu josparda bar ekeni aytıluda. Sonday-aq, qaraşağa deyin orta qaşıqtıqtağı ballistikalıq zımırandardı da sınaqtan ötkizui mümkin.

Orta jäne qısqa qaşıqtıqtağı zımırandı paydalanudı şekteu turalı kelisim Keñes odağı twsında Mäskeu men Uaşington arasında jasalğan. Onda 500 şaqırımnan 5500 şaqırımğa deyin wşa alatın zımırandardı qoldanuğa şekteu qoyılğan. Kelisimge sol kezdegi eki derjavanıñ liderleri Ronal'd Reygan men Mihayl Gorbaçev qol qoyğan bolatın. Biraq, biıl bwl kelisimnen AQŞ pen Resey art-artınan şığıp ketti. Qazir orta jäne qısqa qaşıqtıqtağı zımırandardı qoldanu turalı auqımdı kelisimder joq.

AQŞ kelisimnen şıqqan sebebin Reseydiñ şarttardı orındamauı dep körsetedi. Al Resey biıl qwpiya türde jaña türdegi zımırandardı jasap jatqanı aytıladı. Bwl jaña qarular 500 şaqırımnan alıs aralıqqa jetuge qabletti dep aytıluda. Biraq, Resey tarabı jaña zımırandardıñ wşu qaşıqtığı 500 şaqırımnan aspaytının alğa tartadı.

Uaşington atalğan zımırandardı joyu turalı Mäskeuge wsınıs bergen. Biraq, Resey bwğan jauap retinde AQŞ-tan keyin 1987 jıldan beri kele jatqan kelisimnen şığıp ketti. İri derjavalar arasındağı bwnday äreketter ötken ğasırdağı "Qırği qabaq soğıs jıldarın" eske saladı. Derjavalar arasındağı qaru-jaraq jarısı üdey tüsse bwl jahandıq beybitşilik pen twraqtılıqqa ülken qauip töndirmek.

“The Qazaq Times”