اقش جاڭا زىمىراندى سىناقتان وتكىزدى. فوتو: AFP.

امەريكا قۇراما شتاتتارى 500 شاقىرىم قاشىقتىققا ۇشىپ بارا الاتىن قاناتتى زىمىراندارىن سىناقتان وتكىزدى. بۇل اقش-تىڭ ورتا جانە قىسقا قاشىقتىقتاعى زىمىرانداردى شەكتەۋ تۋرالى كەلىسىمنەن شىعىپ كەتكەننەن كەيىنگى العاشقى زىمىران سىناعى. 

زىمىران سىناعى تۋرالى مالىمەتتەردى پەنتاگون بۇگىن عانا رەسمي مالىمدەمە تاراتىلعانىمەن. سىناق جەكسەنبى كۇنى وتكەن بولعان. سىناق رەتىندە ۇشىرىلعان زىمىران 500 شاقىرىمعا دەيىن ۇشىپ بارىپ كوزدەۋلى نىساناعا تيگەن. پەنتاگوننىڭ مالىمدەمەسىندە كەلەر جىلى ناۋرىزعا دەيىن 1000 شاقىرىمعا دەيىن ۇشۋعا قابلەتتى زىمىران سىناقتارىن وتكىزۋ جوسپاردا بار ەكەنى ايتىلۋدا. سونداي-اق، قاراشاعا دەيىن ورتا قاشىقتىقتاعى بالليستيكالىق زىمىرانداردى دا سىناقتان وتكىزۋى مۇمكىن.

ورتا جانە قىسقا قاشىقتىقتاعى زىمىراندى پايدالانۋدى شەكتەۋ تۋرالى كەلىسىم كەڭەس وداعى تۇسىندا ماسكەۋ مەن ۋاشينگتون اراسىندا جاسالعان. وندا 500 شاقىرىمنان 5500 شاقىرىمعا دەيىن ۇشا الاتىن زىمىرانداردى قولدانۋعا شەكتەۋ قويىلعان. كەلىسىمگە سول كەزدەگى ەكى دەرجاۆانىڭ ليدەرلەرى رونالد رەيگان مەن ميحايل گورباچەۆ قول قويعان بولاتىن. بىراق، بيىل بۇل كەلىسىمنەن اقش پەن رەسەي ارت-ارتىنان شىعىپ كەتتى. قازىر ورتا جانە قىسقا قاشىقتىقتاعى زىمىرانداردى قولدانۋ تۋرالى اۋقىمدى كەلىسىمدەر جوق.

اقش كەلىسىمنەن شىققان سەبەبىن رەسەيدىڭ شارتتاردى ورىنداماۋى دەپ كورسەتەدى. ال رەسەي بيىل قۇپيا تۇردە جاڭا تۇردەگى زىمىرانداردى جاساپ جاتقانى ايتىلادى. بۇل جاڭا قارۋلار 500 شاقىرىمنان الىس ارالىققا جەتۋگە قابلەتتى دەپ ايتىلۋدا. بىراق، رەسەي تارابى جاڭا زىمىرانداردىڭ ۇشۋ قاشىقتىعى 500 شاقىرىمنان اسپايتىنىن العا تارتادى.

ۋاشينگتون اتالعان زىمىرانداردى جويۋ تۋرالى ماسكەۋگە ۇسىنىس بەرگەن. بىراق، رەسەي بۇعان جاۋاپ رەتىندە اقش-تان كەيىن 1987 جىلدان بەرى كەلە جاتقان كەلىسىمنەن شىعىپ كەتتى. ءىرى دەرجاۆالار اراسىنداعى بۇنداي ارەكەتتەر وتكەن عاسىرداعى "قىرعي قاباق سوعىس جىلدارىن" ەسكە سالادى. دەرجاۆالار اراسىنداعى قارۋ-جاراق جارىسى ۇدەي تۇسسە بۇل جاھاندىق بەيبىتشىلىك پەن تۇراقتىلىققا ۇلكەن قاۋىپ توندىرمەك.

“The Qazaq Times”