2009-2018 j.j. aralığındağı Malayziya prem'er-ministri Nadjib Tun Razaq. Foto: anticorr.media

Bügin malayziyalıq sot Memlekettik qordağı mul'ti-milliardtağan qarjını jımqıru, asa iri kölemdegi alayaqtıq isine baylanıstı jäne küdikti retinde bwrınğı prem'er-ministr Nadjib Razaqtıñ qatısuımen atışulı 1MDB (1Malaysia Development Berhad) jobası boyınşa bes sot procesiniñ eñ mañızdı böligin kelesi aptağa qaldırdı.

Ötken jılı jalpıhalıqtıq saylauda jeñilgen Nadjibqa 1MDB isi, paraqorlıq jäne memleket qarajatın jılıstatpaq bolğanı üşin 42 qılmıstıq ayıptau tağılğan.

Al Nadjib öziniñ kinäsiz ekenin, istiñ qozğaluında sayasi astar barın aytadı.

2009-2018 j.j. aralığındağı Malayziya prem'er-ministri Nadjib Tun Razaqtıñ alğaşqı sot otırısına kele jatqan säti. Foto: aşıq derek közderden

Kuala-Lumpur Joğarğı Sotınıñ sud'yası «1MDB SRC International bölimşesiniñ aynalasındağı mäselelerdiñ qorıtındısı» ayaqtaluğa jaqın ekenin, qwjat qolğa tigenşe uaqıt beru maqsatında tıñdaudı kelesi düysenbige qaldırğanın mälimdedi.

"Eger sizderge köp uaqıt qajet bolsa, men isti toqtata twruğa ne bas tartuğa dayınmın ...biraq biz kelesi düysenbi jalğastıramız äri osı beysenbi tağı da tekseremiz", –  dedi sud'ya Kollin Lourens Sekera.

Reuters agenttiginiñ deregine qarağanda, 2009 jılı Nadjibke qatıstı orın alğan qılmıs retinde tanılğan 1MDB isi kem degende altı elde zerttelude. AQŞ-tıñ Ädilet ministrligi el qorınan zañsız $ 4,5 mlrd-qa juıq qarajat jımqırlğandığın rastağan.

Malayziyanıñ bwrınğı prem'er-ministri, kepildikpen bosatılğan Nadjib Razaq Kuala-Lumpurdıñ Joğarğı sotına kelude. 19 tamız 2019 jıl. Foto: REUTERS / Lim Huey Teng

Endi elden şıqpau jöninde mindetteme alğan Nadjib aldağı sot procesi barısında aqşalardı jılıstatqanı üşin 21 ayıptau men 2011-2014 jıldar aralığında biligin teris paydalanu arqılı 2,3 mlrd riñgitke ($550,8 mln) juıq zañsız audarım jasağanı üşin jauap berui tiis.

Esteriñizge sala ketsek, 2015 jılı Malayziya prem'er-ministri qızmetindegi Nadjib Razaq Qıtay investor retinde qatısqan 1Malaysia Development Berhad (1MDB) auqımdı jobasınan 2,67 mlrd riñgit ($550,8 mln) kölemindegi qarajattı jeke esepşotına audarıp, qoldı qılğan degen küdikke ilingen bolatın. Bwl oqiğa Malayziya jwrtşılığınıñ sınına wşırap, el azamattarı Nadjib Razaqtıñ (2009-2018 j.j.) otstavkasın talap etken edi. Osıdan keyin Malayziyanı damığan elder sanatına qosqan, 1981-2003 j.j. aralığında 5 ret saylanıp, «El äkesi» beyresmi laqap atına ie bolğan Mahathir Mwhammed qarttığına qaramastan, azamattıq qoğamnıñ swrau-dausımen 2018 jılı 9 mamırdağı Jalpıhalıqtıq saylauğa qatısıp, prem'er-ministr ornına kelgen.

Atalmış wzaq merzimdi iske qatıstı sayasi köşbasşı Änuar Ibragim tergeu-izdestiru amaldarın jıldam ayaqtaudı talap etip, bwl oqiğanıñ Malayziya üşin senim dağdarısın tudıratının ayttı. Qazirgi prem'er-ministr Mahathir Mwhammed 1MDB men Radjabqa qarsı ayğaqtardıñ jetkiliktigin alğa tartuda.

Bwğan deyin Qazaqstan eks-prezidenti Nwrswltan Nazarbaev Malayziya prem'er-ministri Nadjib Tun Razaqpen ekijaqtı qatınastardı nığaytu-tereñdetu   kelissözderin jürgizu boyınşa birneşe ret (2012, 2014, 2015 j.) resmi kezdesken.

QR-nıñ bwrınğı prezidenti N.Nazarbaev pen Malayziya Prem'er-Ministri Nadjib Tun Razaq Qazaq wlttıq öner universitetiniñ esep beru koncertinde. Foto: akorda.kz

2014 jılğı Malayziya Prem'er-Ministri Nadjib Tun Razaqtıñ Qazaqstanğa resmi is saparmen kelgen kezi. Foto: akorda.kz

Sonımen qatar Nadjib Razaqtıñ twñğış küyeu balası men jieni de qazaq. Bolat Nazarbaevtıñ bwrınğı äyeli Mayra Qwrmanğalivadan tuğan Daniyar Kesikbaev pen Nuriana Razaqqızı AQŞ-ta oquda jürgende tanısıp, 2015 jıldıñ 19 naurızında üylengen edi.  Toy eki elde de: Putradjaya men Almatıda atap  ötilgen. 2017 jılı jieniniñ düniege kelgenin süyinşilep bölisken eks-prem'er Nadjib Tun Razaq esimin Adam Razaq dep qoyğandarın jariyalağan edi.

Malayziya eks-prem'er-ministri Nadjib Tun Razaq qazaq küyeu balası men qızınan tuğan Adam Razaq jieni turalı tvitter paraqşasında bölisken habarı. 24 tamız 2017 jıl. Foto:@NajibRazak tvitter paraqşasınan skrinşot

"The Qazaq Times"