Bügin: Täuelsizdik sarayında Toqaev pen 16-şı ministrdiñ qatısuımen Tamız keñesi ötip jatır

Jıldağı dästür boyınşa jaña oqu jılı qarsañında mıñdağan pedagogtardıñ basın qosatın Tamız keñesiniñ biılğı jiınına Qasım-Jomart Toqaev arnayı qatısuda.

Prezident qatısuımen ötip jatqan auqımdı şarağa elimizdiñ är aumağınan, QazAqparat deregi boyınşa, 2 mıñnan astam wstazdar men mwğalimder kelgen.

Konferenciya barısında NZM-niñ «Bilim beru jüyesiniñ mazmwnın jañartu» täjiribesin el mektepterine taratudıñ soñğı kezeñi jaylı, äzirlengen ädistemelik wsınıstardıñ deñgeyi, tälim-tärbie men bilim sapasınıñ beriluindegi qiındıqtar, «Pedagog märtebesi turalı» zañ jobasına qatıstı mäseleler talqılanuı tiis.

Jiın ayasında jospar boyınşa, otandıq bilim-ağartu salasındağı  eren eñbegi men belsendi qoğamdıq qızmeti üşin birqatar pedagog QR Prezidentiniñ alğıs hatımen, «Eren eñbegi üşin», «Şapağat» medal'darımen, «Qwrmet» ordenimen,  «I.Altınsarin» jäne «Bilim beru isiniñ qwrmetti qızmetkeri» tösbelgisimen marapattalatın boladı.

Bir qızığı, prezidentpen ötetin alqalı keñeske sarapşılıq örede aytarı bar, keybir belsendi wstazdar şarağa taqağanda, eşbir is-saparlıq şığındardı qoldausız keştetip şaqırılğan. Mısalı, wzaq jıldar boyı bilim beru salasına qatıstı ötkir oyları men käsibi wsınıstarın aşıq jariyalap jürgen wstaz, QR Bilim salasınıñ qwrmetti qızmetkeri, Jurnalister Odağınıñ müşesi, tarihşı Ömir Şınıbekwlına ötken apta şaqıru kelgenimen, jol men jatın ornı turalı eşbir  aqparat körsetilmegen. Sonda ministrliktiñ aytulı şarasındağı 2000-nan astam pedagog öz qarajatımen barıp, qatısıp otır ma degen zañdı saual tuadı.

Osığan deyin 13 mausımda jaña prezident Qasım-Jomart Toqaevtıñ jarlığımen su jaña 16-şı Bilim jäne ğılım ministri bolıp Ashat Aymağambetov tağayındalğan bolatın. Täuelsizdik jıldarı işinde talay şiki eksperimenttiñ zerthanasına aynalğan ministrlik şirek ğasırda  16 ministr auıstırıp ülgergen. 2016 jılı qızmetke kelgen Erlan Sağadievtiñ twsında kezekti reformalar paketi dayındalıp, «Älippeni» «Sauat aşu» dep özgertu arqılı qoğamnıñ sınına wşırağan edi. Oqulıqtağı olqılıqtar men şalajansar tapsırmalardıñ sebebinen ata-analar narazılıq tanıtıp, talay märte aşıq hat, arızdar jazğan. Bwl mäseleler büginge deyin tüpkilikti şeşile qoydı dep aytu qiın. Eldiñ «taqtağa bormen jazıp körmegen, jeñine aq timegender bağdarlama-joba dayındaydı» degen aşı äjuasına qalğan vedomstvağa jaña oqu jılında tek tabıs pen azamattardıñ rizaşılığına bölenuin tileymiz!

Tamız keñesi. 16 tamız 2019 jıl. Foto. baq.kz

"The Qazaq Times"