Türkiya Reseydiñ Su-35 wşaqtarın satıp aluı mümkin.

«Yeni Safak» basılımınıñ mälimetinşe, Ankara AQŞ Türkiyanı F-35 wşaq bağdarlamasınan şığaratının mälimdegennen keyin, Reseydiñ Su-35 wşaqtarın satıp aludı josparlauda. Eger Ankara Mäskeumen  kelisimge keletin bolsa, Türkiya qarulı küşteriniñ arsenalı Su-35 wşaqtarımen tolığuı mümkin.

Bwğan deyin Şilde ayında Reseydiñ «Rosteh» kompaniyasınıñ basşısı Sergey Çemezov Türkiyağa Su-35 wşaqtarın satuğa dayın ekendikterin aytqan.

Türkiya Reseyden S-400 äue qorğanıs jüyesin satıp alğannan keyin, şilde ayınıñ 17-i küni resmi Uaşington Ankaranı F-35 wşaq jobasınan şığaratının mälimdegen. Keyinnen Pentagon Türkiya 2020 jılıdıñ naurız ayında jobadan tolıqtay şığatındığın aytıp, mälimdeme tarattı.

"The Qazaq Times"