تۇركيا رەسەيدىڭ سۋ-35 ۇشاقتارىن ساتىپ الۋى مۇمكىن.

«Yeni Safak» باسىلىمىنىڭ مالىمەتىنشە، انكارا اقش تۇركيانى F-35 ۇشاق باعدارلاماسىنان شىعاراتىنىن مالىمدەگەننەن كەيىن، رەسەيدىڭ سۋ-35 ۇشاقتارىن ساتىپ الۋدى جوسپارلاۋدا. ەگەر انكارا ماسكەۋمەن  كەلىسىمگە كەلەتىن بولسا، تۇركيا قارۋلى كۇشتەرىنىڭ ارسەنالى سۋ-35 ۇشاقتارىمەن تولىعۋى مۇمكىن.

بۇعان دەيىن شىلدە ايىندا رەسەيدىڭ «روستەح» كومپانياسىنىڭ باسشىسى سەرگەي چەمەزوۆ تۇركياعا سۋ-35 ۇشاقتارىن ساتۋعا دايىن ەكەندىكتەرىن ايتقان.

تۇركيا رەسەيدەن س-400 اۋە قورعانىس جۇيەسىن ساتىپ العاننان كەيىن، شىلدە ايىنىڭ 17-ءى كۇنى رەسمي ۋاشينگتون انكارانى F-35 ۇشاق جوباسىنان شىعاراتىنىن مالىمدەگەن. كەيىننەن پەنتاگون تۇركيا 2020 جىلىدىڭ ناۋرىز ايىندا جوبادان تولىقتاي شىعاتىندىعىن ايتىپ، مالىمدەمە تاراتتى.

"The Qazaq Times"