Beysenbi, 28 Qaraşa 2024

Gonkong. Narazılar Halıqaralıq äuejayda qarsılığın jalğastıruda

Asan Anarbaywlı 9 Tamız, 2019 sağat 15:42

Ekstradiciyalau turalı zañ jobasına qarsı narazılar Qıtay halıqaralıq äuejayınıñ wşıp kelu zalında jolauşılar üşin plakattar wstap otır. Gonkong. 9 tamız 2019. Foto: Reuters/Thomas Peter

Bügin, 9 tamız gonkongtıq jüzdegen narazılar Halıqaralıq äuejaydıñ wşıp kelu zalına jinaldı dep habarlaydı Reuters aqparat agenttigi.

Demonstranttar küdiktilerdi Qıtayğa ekstradiciyalau turalı zañ jobasın qabıldamaudı, aymaq basşısı Kerri Lamnıñ otstavkasın, 10 aptağa juıq jürip jatqan narazılıqtar kezinde wstalğandardı bosatudı jäne qarsılıq akciyasın basuğa küş qoldanğan policiya ökilderin jazalauın talap etken. Sonday-aq olar bügingi akciyada ükimet wstanımına qarsı habarlama qağazdarın taratuda äri ondağan tilderde banner-lozungtarımen köpşilikti qwlaqtandıruğa tırısıp jatır.

Üstine birıñğay qara futbolka kigen birneşe jüzdegen narazı toptardıñ deni jastar. «Qımbattı jolauşı» dep bastalatın ünparaqtarda 1997 jılı Britaniyadan Qıtayğa berilgen aymaqtıñ wzaqmerzimdi protesterin beyneleytin öner-art tuındılar men jazbalar körsetilgen. Ağılşın tilindegi broşyuralarda «Müldem basqa» Gonkong üşin bizdi keşiriñiz» degen jazba bar. «Siz ötken jolğıday emes, qirağan, bir böligi bülingen qalağa keldiñiz. Biraq biz Gonkong üşin küresetin bolamız»,– delingen paraqşalarda.

Qarsılıq şarası «Soñğı uaqıtta Gonkong qoğamı şağın top jasağan zañsızdıq aktilerinen zardap şegude» dep jariyalanğan 17 şamğımdanuşınıñ arızınan keyin örşi tüsken.

«Biz bülikşiler emespiz»

Jwma küni äuejayda bastapqıda policiya tarapınan eşqanday wstau äreketteri bolğan joq.

Reuters agenttigine pikir bildirgen 16 jastağı narazı Şarlotta Lam: «Bwl policiya aralasqanşa beybit akciya retinde ötedi», – deydi.

«Biz japonnan bastap ispan tiline deyin 16 tilde japsırmalar, bannerler, ünparaqtar dayındadıq. Biz öz ündeuimizdi älemge jetkizgimiz keledi. Biz bülikşiler emespiz, jay ğana adam qwqıqtarı men bostandığı üşin küresip jatqan gonkongtıq toppız» dep qorıtındıladı Şarlotta.

«Kömektesuge» kelgen otstavkadağı policiya

Osığan deyin BAQ betterinde Gonkong biligi 2014 jılğı demokratiyalıq narazılıqtardı basuğa qatısqan otstavkadağı policiya komandirin arnayı kömektesuge şaqırtıp alğanı turalı jariyalanğan edi.

Jaña tağayındau boyınşa bwrınğı policiya komissarınıñ orınbasarı Alan Lau Ip bwdan bılay keñmasştabtı is-şaralarda qoğamdıq tärtippen jäne 1 qazanda ötetin QHR-dıñ negizi qalanğanına 70 jıldıq merekelik şarasımen aynalısatın boladı.

Ayta keteyik, Beyjiñ eki aydan asa uaqıt boyı basılmay kele jatqan Gonkongtağı narazılıqtı «Qıtaydı wnatpaytın» Batıs pen AQŞ-qoldap otır dep ayıptap, gonkongtıq bas köteruşilerdi «otpen oynamauğa» şaqırğan.