بۇگىن، 9 تامىز گونكونگتىق جۇزدەگەن نارازىلار حالىقارالىق اۋەجايدىڭ ۇشىپ كەلۋ زالىنا جينالدى دەپ حابارلايدى Reuters اقپارات اگەنتتىگى.
دەمونسترانتتار كۇدىكتىلەردى قىتايعا ەكستراديتسيالاۋ تۋرالى زاڭ جوباسىن قابىلداماۋدى، ايماق باسشىسى كەرري لامنىڭ وتستاۆكاسىن، 10 اپتاعا جۋىق ءجۇرىپ جاتقان نارازىلىقتار كەزىندە ۇستالعانداردى بوساتۋدى جانە قارسىلىق اكتسياسىن باسۋعا كۇش قولدانعان پوليتسيا وكىلدەرىن جازالاۋىن تالاپ ەتكەن. سونداي-اق ولار بۇگىنگى اكتسيادا ۇكىمەت ۇستانىمىنا قارسى حابارلاما قاعازدارىن تاراتۋدا ءارى ونداعان تىلدەردە باننەر-لوزۋنگتارىمەن كوپشىلىكتى قۇلاقتاندىرۋعا تىرىسىپ جاتىر.
ۇستىنە بىرىڭعاي قارا فۋتبولكا كيگەن بىرنەشە جۇزدەگەن نارازى توپتاردىڭ دەنى جاستار. «قىمباتتى جولاۋشى» دەپ باستالاتىن ۇنپاراقتاردا 1997 جىلى بريتانيادان قىتايعا بەرىلگەن ايماقتىڭ ۇزاقمەرزىمدى پروتەستەرىن بەينەلەيتىن ونەر-ارت تۋىندىلار مەن جازبالار كورسەتىلگەن. اعىلشىن تىلىندەگى بروشيۋرالاردا «مۇلدەم باسقا» گونكونگ ءۇشىن ءبىزدى كەشىرىڭىز» دەگەن جازبا بار. «ءسىز وتكەن جولعىداي ەمەس، قيراعان، ءبىر بولىگى بۇلىنگەن قالاعا كەلدىڭىز. بىراق ءبىز گونكونگ ءۇشىن كۇرەسەتىن بولامىز»,– دەلىنگەن پاراقشالاردا.
قارسىلىق شاراسى «سوڭعى ۋاقىتتا گونكونگ قوعامى شاعىن توپ جاساعان زاڭسىزدىق اكتىلەرىنەن زارداپ شەگۋدە» دەپ جاريالانعان 17 شامعىمدانۋشىنىڭ ارىزىنان كەيىن ءورشي تۇسكەن.
ەكستراديتسيالاۋ تۋرالى زاڭ جوباسىنا قارسى نارازىلار قىتاي حالىقارالىق اۋەجايىنىڭ ۇشىپ كەلۋ زالىندا جولاۋشىلار ءۇشىن پلاكاتتار ۇستاپ وتىر. گونكونگ. 9 تامىز 2019. فوتو: Reuters/Thomas Peter
«ءبىز بۇلىكشىلەر ەمەسپىز»
جۇما كۇنى اۋەجايدا باستاپقىدا پوليتسيا تاراپىنان ەشقانداي ۇستاۋ ارەكەتتەرى بولعان جوق.
Reuters اگەنتتىگىنە پىكىر بىلدىرگەن 16 جاستاعى نارازى شارلوتتا لام: «بۇل پوليتسيا ارالاسقانشا بەيبىت اكتسيا رەتىندە وتەدى»، – دەيدى.
«ءبىز جاپوننان باستاپ يسپان تىلىنە دەيىن 16 تىلدە جاپسىرمالار، باننەرلەر، ۇنپاراقتار دايىندادىق. ءبىز ءوز ۇندەۋىمىزدى الەمگە جەتكىزگىمىز كەلەدى. ءبىز بۇلىكشىلەر ەمەسپىز، جاي عانا ادام قۇقىقتارى مەن بوستاندىعى ءۇشىن كۇرەسىپ جاتقان گونكونگتىق توپپىز» دەپ قورىتىندىلادى شارلوتتا.
ەكستراديتسيالاۋ تۋرالى زاڭ جوباسىنا قارسى نارازىلار قىتاي حالىقارالىق اۋەجايىنىڭ ۇشىپ كەلۋ زالىندا جولاۋشىلار ءۇشىن پلاكاتتار ۇستاپ وتىر. گونكونگ. 9 تامىز 2019. فوتو: Reuters/Thomas Peter
«كومەكتەسۋگە» كەلگەن وتستاۆكاداعى پوليتسيا
وسىعان دەيىن باق بەتتەرىندە گونكونگ بيلىگى 2014 جىلعى دەموكراتيالىق نارازىلىقتاردى باسۋعا قاتىسقان وتستاۆكاداعى پوليتسيا كومانديرىن ارنايى كومەكتەسۋگە شاقىرتىپ العانى تۋرالى جاريالانعان ەدى.
جاڭا تاعايىنداۋ بويىنشا بۇرىنعى پوليتسيا كوميسسارىنىڭ ورىنباسارى الان لاۋ يپ بۇدان بىلاي كەڭماسشتابتى ءىس-شارالاردا قوعامدىق تارتىپپەن جانە 1 قازاندا وتەتىن قحر-دىڭ نەگىزى قالانعانىنا 70 جىلدىق مەرەكەلىك شاراسىمەن اينالىساتىن بولادى.
ايتا كەتەيىك، بەيجىڭ ەكى ايدان اسا ۋاقىت بويى باسىلماي كەلە جاتقان گونكونگتاعى نارازىلىقتى «قىتايدى ۇناتپايتىن» باتىس پەن اقش-قولداپ وتىر دەپ ايىپتاپ، گونكونگتىق باس كوتەرۋشىلەردى «وتپەن ويناماۋعا» شاقىرعان.
ەكستراديتسيالاۋ تۋرالى زاڭ جوباسىنا قارسى نارازىلار قىتاي حالىقارالىق اۋەجايىنىڭ ۇشىپ كەلۋ زالىندا جولاۋشىلار ءۇشىن پلاكاتتار ۇستاپ وتىر. گونكونگ. 9 تامىز 2019. فوتو: Reuters/Thomas Peter
ەكستراديتسيالاۋ تۋرالى زاڭ جوباسىنا قارسى نارازىلار قىتاي حالىقارالىق اۋەجايىنىڭ ۇشىپ كەلۋ زالىندا جولاۋشىلار ءۇشىن پلاكاتتار ۇستاپ وتىر. گونكونگ. 9 تامىز 2019. فوتو: Reuters/Thomas Peter
ەكستراديتسيالاۋ تۋرالى زاڭ جوباسىنا قارسى نارازىلار قىتاي حالىقارالىق اۋەجايىنىڭ ۇشىپ كەلۋ زالىندا جولاۋشىلار ءۇشىن پلاكاتتار ۇستاپ وتىر. گونكونگ. 9 تامىز 2019. فوتو: Reuters/Thomas Peter
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟