Ukraina prezidenti Vladimir Zelenskiy jäne Türkiya köşbasşısı Rejep Tayıp Erdoğan (8 tamız, 2019 jıl). Foto: https://gdb.rferl.org

Türkiya prezidenti Rejep Tayıp Erdoğan Ukraina köşbasşısı Vladimir Zelenskiymen kezdesu barısında Qırımdı Resey territoriyasına tiesili dep eseptemeytinin mälimdedi.

«Türkiya osı uaqıtqa deyin Qırım anneksiyasın moyındağan joq jäne aldağı uaqıtta da moyındamaydı. Qırım tatarları – bizdiñ bauırlarımız. Olardıñ ärqaysısı Türkiya men Ukraina arasındağı tarihi, gumanitarlıq qarım-qatınastıñ negizi sanaladı», – dep mälimdedi Erdoğan.

Vladimir Zelenskiydiñ 7-8 tamızğa josparlanğan issaparı barısında Qırımdağı qauipsizdik mäselesi, Ankara mep Kievtiñ diplomatiyalıq qarım-qatınası jäne erkin sauda baylanısı talqılandı.

Taraptar Donbasstağı jağdayğa da toqtalıp ötti. Erdoğan «Donbass mäselesin halıqaralıq wyımdardıñ qatısuımen, zañdı türde retke keletinine» senim bildirdi. Türkiya prezidenti sözinde Ankara sayasi bağıtın özgertpeytinin, Qırım tatarlarınıñ qwqığın qorğauda atsalısatının ayttı. Sonımen qatar, Türkiya biligi Minsk procesin qoldaytının jetkizdi.

Kezdesu nätijesi boyınşa qos tarap Türkiya men Ukrainanıñ sauda baylanısın 10 mlrd dollarğa jetkizu turalı kelisimge keldi.

"The Qazaq Times"