ۋكراينا پرەزيدەنتى ۆلاديمير زەلەنسكي جانە تۇركيا كوشباسشىسى رەجەپ تايىپ ەردوعان (8 تامىز، 2019 جىل). فوتو: https://gdb.rferl.org

تۇركيا پرەزيدەنتى رەجەپ تايىپ ەردوعان ۋكراينا كوشباسشىسى ۆلاديمير زەلەنسكيمەن كەزدەسۋ بارىسىندا قىرىمدى رەسەي تەرريتورياسىنا تيەسىلى دەپ ەسەپتەمەيتىنىن مالىمدەدى.

«تۇركيا وسى ۋاقىتقا دەيىن قىرىم اننەكسياسىن مويىنداعان جوق جانە الداعى ۋاقىتتا دا مويىندامايدى. قىرىم تاتارلارى – ءبىزدىڭ باۋىرلارىمىز. ولاردىڭ ارقايسىسى تۇركيا مەن ۋكراينا اراسىنداعى تاريحي، گۋمانيتارلىق قارىم-قاتىناستىڭ نەگىزى سانالادى»، – دەپ مالىمدەدى ەردوعان.

ۆلاديمير زەلەنسكيدىڭ 7-8 تامىزعا جوسپارلانعان ءىسساپارى بارىسىندا قىرىمداعى قاۋىپسىزدىك ماسەلەسى، انكارا مەپ كيەۆتىڭ ديپلوماتيالىق قارىم-قاتىناسى جانە ەركىن ساۋدا بايلانىسى تالقىلاندى.

تاراپتار دونباسستاعى جاعدايعا دا توقتالىپ ءوتتى. ەردوعان «دونباسس ماسەلەسىن حالىقارالىق ۇيىمداردىڭ قاتىسۋىمەن، زاڭدى تۇردە رەتكە كەلەتىنىنە» سەنىم ءبىلدىردى. تۇركيا پرەزيدەنتى سوزىندە انكارا ساياسي باعىتىن وزگەرتپەيتىنىن، قىرىم تاتارلارىنىڭ قۇقىعىن قورعاۋدا اتسالىساتىنىن ايتتى. سونىمەن قاتار، تۇركيا بيلىگى مينسك پروتسەسىن قولدايتىنىن جەتكىزدى.

كەزدەسۋ ناتيجەسى بويىنشا قوس تاراپ تۇركيا مەن ۋكراينانىڭ ساۋدا بايلانىسىن 10 ملرد دوللارعا جەتكىزۋ تۋرالى كەلىسىمگە كەلدى.

"The Qazaq Times"