Parij ben Berlin beybit oppoziciyalıq mitingterge jauap retinde biliktiñ küş qoldanuın sınğa aldı.

Franciya men Germaniya jeksenbi küni bilik tarapınan tıyım salınğan narazılıq akciyasın küşpen taratqan Resey policiyasınıñ qatañ äreketterin ayıptadı, nätijesinde jüzdegen adam wstalğan.

Qırküyek ayında ötetin Mäskeu qalalıq dumasına saylauına qatısuğa oppoziciyalıq kandidattardıñ jiberilmeuine qarsı ekinşi akciyadan keyin bilik reakciyasın Parij «artıq küş qoldanu» retinde sınadı.  45 orındıq Mäskeu qalalıq dumasınıñ zañ jobasın äzirleu-wsınudan bastap, 43 milliard dollarlıq astana byudjetiniñ jwmsaluın baqılauğa qwziretti.

Berlin 3 tamızdağı policiya is-äreketi Reseydiñ halıqaralıq mindettemelerin «bwzadı» jäne eldegi saylau qwqığınıñ şınayılığına nwqsan keltiredi dep mälimdedi.

Senbi küngi wstaular men qamaulardı German ükimeti Mäskeudegi qalalıq saylauğa «täuelsiz kandidattardıñ jiberilmeuine qarsı narazılıqtardıñ beybit sipatına müldem qayşı» ekenin  mälimdedi.

Köptegen azamattar biliktiñ Mäsmemdumadağı saylauğa qatısuğa oppoziciyalıq kandidattardı jiberuden bas tartuına qarsı narazılıq retinde Resey astanasınıñ ortalığındağı gülzarlarda «seruenge» şıqqan, osığan baylanıstı «jergilikti mañızı bar mäsele sayasi dağdarısqa aynaldı» dep habarlaydı Agence France-Presse aqparat agenttigi. Policiya mälimdemesi boyınşa, demonstraciyağa bir jarım mıñ adam qatısqan.

AFP tilşileri şeru jolında ondağan twtqındau faktileriniñ kuäsi bolğan. Policiya qızmetkerleri  şeptik tizbekter qwrıp, adamdardı eş tüsindirusiz wstağan.

Franciya SİM ökili Parij «beybit şeruler men erkin äri aşıq saylauğa qatısudı qosa alğanda, pikir bildirudiñ barlıq formalarına bostandıq beriluin talap etedi» dep mälimdedi. Franciya «Reseydi soñğı künderi qamauğa alınğan adamdardı dereu bosatuğa jäne EQIW men Europa Keñesiniñ müşesi retinde öz mindettemelerin saqtauğa şaqıradı», – delingen mälimdemede.

Berlin men Parijdiñ jeksenbilik mälimdemelerinde Kreml'di 27 şilde küngi ötken akciya barısında wstalğan 1400-dey özge narazılardı bosatuğa şaqırdı.

Narazılıq qızmetine täuelsiz monitoring jürgizetin «OVD-Info» saytınıñ derekteri boyınşa, senbide ötken soñğı narazılıq akciyası kezinde Mäskeude 1001 adam wstalğan.

golos-ameriki.ru jañalıqtar qızmetiniñ habarlauınşa, memlekettik toksikologiyalıq zerthana ulandırğış zattardıñ izin tappağan. Wstalğan oppoziciyanıñ köşbasşısı Aleksey Naval'dıñ seriktesi, Sıbaylas jemqorlıqqa qarsı küres qorınıñ zañgeri Lyubov' Sobol' qayta twtqındaldı.

Mäskeudegi jağdayğa baylanıstı prezident Vladimir Putin äzirge eşqanday tüsinikteme bergen joq.

“The Qazaq Times”