پاريج بەن بەرلين بەيبىت وپپوزيتسيالىق ميتينگتەرگە جاۋاپ رەتىندە بيلىكتىڭ كۇش قولدانۋىن سىنعا الدى.

فرانتسيا مەن گەرمانيا جەكسەنبى كۇنى بيلىك تاراپىنان تىيىم سالىنعان نارازىلىق اكتسياسىن كۇشپەن تاراتقان رەسەي پوليتسياسىنىڭ قاتاڭ ارەكەتتەرىن ايىپتادى، ناتيجەسىندە جۇزدەگەن ادام ۇستالعان.

قىركۇيەك ايىندا وتەتىن ماسكەۋ قالالىق دۋماسىنا سايلاۋىنا قاتىسۋعا وپپوزيتسيالىق كانديداتتاردىڭ جىبەرىلمەۋىنە قارسى ەكىنشى اكتسيادان كەيىن بيلىك رەاكتسياسىن پاريج «ارتىق كۇش قولدانۋ» رەتىندە سىنادى.  45 ورىندىق ماسكەۋ قالالىق دۋماسىنىڭ زاڭ جوباسىن ازىرلەۋ-ۇسىنۋدان باستاپ، 43 ميلليارد دوللارلىق استانا بيۋدجەتىنىڭ جۇمسالۋىن باقىلاۋعا قۇزىرەتتى.

بەرلين 3 تامىزداعى پوليتسيا ءىس-ارەكەتى رەسەيدىڭ حالىقارالىق مىندەتتەمەلەرىن «بۇزادى» جانە ەلدەگى سايلاۋ قۇقىعىنىڭ شىنايىلىعىنا نۇقسان كەلتىرەدى دەپ مالىمدەدى.

سەنبى كۇنگى ۇستاۋلار مەن قاماۋلاردى گەرمان ۇكىمەتى ماسكەۋدەگى قالالىق سايلاۋعا «تاۋەلسىز كانديداتتاردىڭ جىبەرىلمەۋىنە قارسى نارازىلىقتاردىڭ بەيبىت سيپاتىنا مۇلدەم قايشى» ەكەنىن  مالىمدەدى.

كوپتەگەن ازاماتتار بيلىكتىڭ ماسمەمدۋماداعى سايلاۋعا قاتىسۋعا وپپوزيتسيالىق كانديداتتاردى جىبەرۋدەن باس تارتۋىنا قارسى نارازىلىق رەتىندە رەسەي استاناسىنىڭ ورتالىعىنداعى گۇلزارلاردا «سەرۋەنگە» شىققان، وسىعان بايلانىستى «جەرگىلىكتى ماڭىزى بار ماسەلە ساياسي داعدارىسقا اينالدى» دەپ حابارلايدى Agence France-Presse اقپارات اگەنتتىگى. پوليتسيا مالىمدەمەسى بويىنشا، دەمونستراتسياعا ءبىر جارىم مىڭ ادام قاتىسقان.

AFP تىلشىلەرى شەرۋ جولىندا ونداعان تۇتقىنداۋ فاكتىلەرىنىڭ كۋاسى بولعان. پوليتسيا قىزمەتكەرلەرى  شەپتىك تىزبەكتەر قۇرىپ، ادامداردى ەش ءتۇسىندىرۋسىز ۇستاعان.

فرانتسيا ءسىم وكىلى پاريج «بەيبىت شەرۋلەر مەن ەركىن ءارى اشىق سايلاۋعا قاتىسۋدى قوسا العاندا، پىكىر ءبىلدىرۋدىڭ بارلىق فورمالارىنا بوستاندىق بەرىلۋىن تالاپ ەتەدى» دەپ مالىمدەدى. فرانتسيا «رەسەيدى سوڭعى كۇندەرى قاماۋعا الىنعان ادامداردى دەرەۋ بوساتۋعا جانە ەقىۇ مەن ەۋروپا كەڭەسىنىڭ مۇشەسى رەتىندە ءوز مىندەتتەمەلەرىن ساقتاۋعا شاقىرادى»، – دەلىنگەن مالىمدەمەدە.

بەرلين مەن ءپاريجدىڭ جەكسەنبىلىك مالىمدەمەلەرىندە كرەملدى 27 شىلدە كۇنگى وتكەن اكتسيا بارىسىندا ۇستالعان 1400-دەي وزگە نارازىلاردى بوساتۋعا شاقىردى.

نارازىلىق قىزمەتىنە تاۋەلسىز مونيتورينگ جۇرگىزەتىن «وۆد-ينفو» سايتىنىڭ دەرەكتەرى بويىنشا، سەنبىدە وتكەن سوڭعى نارازىلىق اكتسياسى كەزىندە ماسكەۋدە 1001 ادام ۇستالعان.

golos-ameriki.ru جاڭالىقتار قىزمەتىنىڭ حابارلاۋىنشا، مەملەكەتتىك توكسيكولوگيالىق زەرتحانا ۋلاندىرعىش زاتتاردىڭ ءىزىن تاپپاعان. ۇستالعان وپپوزيتسيانىڭ كوشباسشىسى الەكسەي ناۆالدىڭ سەرىكتەسى، سىبايلاس جەمقورلىققا قارسى كۇرەس قورىنىڭ زاڭگەرى ليۋبوۆ سوبول قايتا تۇتقىندالدى.

ماسكەۋدەگى جاعدايعا بايلانىستى پرەزيدەنت ۆلاديمير پۋتين ازىرگە ەشقانداي تۇسىنىكتەمە بەرگەن جوق.

“The Qazaq Times”