Türkimenbası qaytıp oraldı.

Wzaq uaqıttan beri halıq aldına şıqpay ketken Türkimenstan prezidenti Qwrbanğwlı Berdimwhamedovtıñ jazdı qalay ötkizip jatqanı belgili boldı. Memlekettik telearnalardıñ biri Berdimwhamedovtıñ osı uaqıtqa deyin eñbek demalısında ne istegendigi turalı arnayı beynematerialdar jinağan körsetti. Onda türkimenbasınıñ atqa minip, mıltıq atıp, än salğandığı beynelengen.

Esteriñizge salayıq, osıdan biraz uaqıt bwrın Reseydiñ «Govorit Moskva» radiosınıñ efirinde sayasattanuşı Aslan Rubaev Qwbanğwlı Berdimwhamedovtıñ qaytıs bolğandığın aytıp, BAQ ökilderi türkimenbasınıñ birneşe aptadan beri halıq aldına şıqpay ketkenin jazğan. Keyinnen Türkimenstan diplomattarı atalmış aqparattardıñ şındıqqa janaspaytının aytıp, Rubaevtıñ özi türkimen halqı men prezident otbasınan keşirim swrağan.

"The Qazaq Times"