تۇركىمەنباسى قايتىپ ورالدى.

ۇزاق ۋاقىتتان بەرى حالىق الدىنا شىقپاي كەتكەن تۇركىمەنستان پرەزيدەنتى قۇربانعۇلى بەردىمۇحامەدوۆتىڭ جازدى قالاي وتكىزىپ جاتقانى بەلگىلى بولدى. مەملەكەتتىك تەلەارنالاردىڭ ءبىرى بەردىمۇحامەدوۆتىڭ وسى ۋاقىتقا دەيىن ەڭبەك دەمالىسىندا نە ىستەگەندىگى تۋرالى ارنايى بەينەماتەريالدار جيناعان كورسەتتى. وندا تۇركىمەنباسىنىڭ اتقا ءمىنىپ، مىلتىق اتىپ، ءان سالعاندىعى بەينەلەنگەن.

ەستەرىڭىزگە سالايىق، وسىدان ءبىراز ۋاقىت بۇرىن رەسەيدىڭ «گوۆوريت موسكۆا» راديوسىنىڭ ەفيرىندە ساياساتتانۋشى اسلان رۋباەۆ قۇبانعۇلى بەردىمۇحامەدوۆتىڭ قايتىس بولعاندىعىن ايتىپ، باق وكىلدەرى تۇركىمەنباسىنىڭ بىرنەشە اپتادان بەرى حالىق الدىنا شىقپاي كەتكەنىن جازعان. كەيىننەن تۇركىمەنستان ديپلوماتتارى اتالمىش اقپاراتتاردىڭ شىندىققا جاناسپايتىنىن ايتىپ، رۋباەۆتىڭ ءوزى تۇركىمەن حالقى مەن پرەزيدەنت وتباسىنان كەشىرىم سۇراعان.

"The Qazaq Times"