Түркіменбасы қайтып оралды.

Ұзақ уақыттан бері халық алдына шықпай кеткен Түркіменстан президенті Құрбанғұлы Бердімұхамедовтың жазды қалай өткізіп жатқаны белгілі болды. Мемлекеттік телеарналардың бірі Бердімұхамедовтың осы уақытқа дейін еңбек демалысында не істегендігі туралы арнайы бейнематериалдар жинаған көрсетті. Онда түркіменбасының атқа мініп, мылтық атып, ән салғандығы бейнеленген.

Естеріңізге салайық, осыдан біраз уақыт бұрын Ресейдің «Говорит Москва» радиосының эфирінде саясаттанушы Аслан Рубаев Құбанғұлы Бердімұхамедовтың қайтыс болғандығын айтып, БАҚ өкілдері түркіменбасының бірнеше аптадан бері халық алдына шықпай кеткенін жазған. Кейіннен Түркіменстан дипломаттары аталмыш ақпараттардың шындыққа жанаспайтынын айтып, Рубаевтың өзі түркімен халқы мен президент отбасынан кешірім сұраған.

"The Qazaq Times"