قىرعىز ميگراتسياسى: 43 پايىز قىرعىزستاندىق الەۋمەتتىك جاعدايىنا قاناعاتتانبايدى

قىرعىزستاننىڭ 43 پايىزدان استام حالقى ءوزىنىنىڭ الەۋمەتتىك جاعدايىنا رازى ەمەس. بۇنداي زەرتتەۋ ناتيجەسىن ەلدەگى «دەموكراتيا جانە ازاماتتىق قوعام ءۇشىن» كواليتسياسى جاريالاعان.

اتالعان ۇيىمنىڭ وكىلى اقىلبەك ەسەنقۇلوۆ BBC-گە بەرگەن سۇحباتىندا، ءوز ءومىر ءسۇرۋ شارت-جاعدايىنا رازى ەمەس 43 پايىزدان كوپ ازاماتتىڭ باسىم كوبى بىشكەك قالاسىندا. ەلدىڭ ورتالىق قالاسىندا ساۋالناماعا قاتىسقانداردىڭ 46 پايىزى ءوزىنىڭ الەۋمەتتىك ءال-اۋقاتىنا قاناعاتتانبايدى. ءوزىنىڭ ءومىر ءسۇرۋ شارت-جاعدايىنا رازى قىرعىزستاندىقتان پايىزدى ۇستايدى. سونداي-اق، ۇيىمنىڭ مالىمدەۋىنشە، ەل ازاماتتارىنىڭ 6 پايىزى قىرعىزستاننان كەتىپ قالعىسى كەلەدى.

ارنايى ساۋالناماعا قالا، وبلىس ورتالىقتارى جانە اۋىل تۇرعىندارى بولىپ 18 جاستان جوعارى 1639 ادام قاتىسقان. وڭىرلەر بويىنشا سالىستىرعاندا باتكەن جانە وش تۇرعىندارى ءوز ءال-اۋقاتىنا كوبىرەك قاناعاتتانادى.

«دەموكراتيا جانە ازاماتتىق قوعام ءۇشىن» دەپ اتالاتىن ۇيىمنىڭ كورسەتكەن قورىتىندىسىنا سايكەس، ەلدەن شىعىپ كەتكىسى كەلەتىندەردىڭ كورسەتەتىن باستى سەبەبى – جۇمىسسىزدىق جانە جالاقىنىڭ تومەندىگى.

ەل تۇرعىندارىنىڭ ءومىر ءسۇرۋ شارت-جاعدايىنا قاتىستى ارنايى ساۋالنامالىق زەرتتەۋ قىرعىزستانداعى اتالعان ۇيىم جاعىنان العاش رەت وتكىزىلىپ وتىر. ولاردىڭ بولجاۋىنشا، جاعداي وسىلاي جالعاسا بەرسە قىرعىزستاننىڭ سىرتقى ميگراتسياسى توقتاۋسىز كوبەيە بەرمەك.

“The Qazaq Times”