Donal'd Tramptıñ prezidentik basqarması Halıqaralıq damu agenttigine bölinetin Memlekettik departament byudjetin 37 payızğa qısqartqalı jatqandığı jaylı aqparattı rastadı. Bwl qarjı köptegen elderge ekonomikalıq kömek retinde beriletin bolğan. Endi Tramp bwl qarajattı özge mwqtaj elderge kömektesudiñ ornına öziniñ äskeri quatı men tehnikasın jaqsartuğa jwmsamaq.
Aq üydiñ qarjımen aynalısatın basqarmasınıñ ökili Mik Malveni amerikalıq BAQ ökilderine bergen swhbatında özge memleketterge ekonomikalıq kömek retinde beriletin qarjınıñ ülken kölemin qısqartu wsınısı negizinde jwmıstar jürgizilip jatqandığın jäne bwl qarjı AQŞ-tıñ igiligine jwmsalatındığın jetkizdi.
Mik Malveni qısqartılatın qarjınıñ ülken kölemde ekendigin de aytıp ötken bolatın. Bwl aqşa tolıqtay AQŞ-tıñ äskeri byudjetine qwyılmaq. Osı jıldıñ basında Donal'd Tramp äskeri byudjetti 10 payızğa deyin wlğaytatının aytqan edi. Biraq AQŞ bwl salada älemde $604, 5 mlrd-pen birinşi orında twrğanına qaramastan tağı $54 mlrd aqşanı äskeri salağa salatındığın mälimdedi.
Biraq Senat Donal'd Tramptıñ kezekti şeşimin qoldap otırğan joq. Basqa da bilik ökilderi bwl özgeris Vaşingtonnıñ sırtqı sayasatın älsiretip jiberui äbden mümkin dep otır.
"The Qazaq Times"
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti