دونالد ترامپتىڭ پرەزيدەنتىك باسقارماسى حالىقارالىق دامۋ اگەنتتىگىنە بولىنەتىن مەملەكەتتىك دەپارتامەنت بيۋدجەتىن 37 پايىزعا قىسقارتقالى جاتقاندىعى جايلى اقپاراتتى راستادى. بۇل قارجى كوپتەگەن ەلدەرگە ەكونوميكالىق كومەك رەتىندە بەرىلەتىن بولعان. ەندى ترامپ بۇل قاراجاتتى وزگە مۇقتاج ەلدەرگە كومەكتەسۋدىڭ ورنىنا ءوزىنىڭ اسكەري قۋاتى مەن تەحنيكاسىن جاقسارتۋعا جۇمساماق.
اق ءۇيدىڭ قارجىمەن اينالىساتىن باسقارماسىنىڭ وكىلى ميك مالۆەني امەريكالىق باق وكىلدەرىنە بەرگەن سۇحباتىندا وزگە مەملەكەتتەرگە ەكونوميكالىق كومەك رەتىندە بەرىلەتىن قارجىنىڭ ۇلكەن كولەمىن قىسقارتۋ ۇسىنىسى نەگىزىندە جۇمىستار جۇرگىزىلىپ جاتقاندىعىن جانە بۇل قارجى اقش-تىڭ يگىلىگىنە جۇمسالاتىندىعىن جەتكىزدى.
ميك مالۆەني قىسقارتىلاتىن قارجىنىڭ ۇلكەن كولەمدە ەكەندىگىن دە ايتىپ وتكەن بولاتىن. بۇل اقشا تولىقتاي اقش-تىڭ اسكەري بيۋدجەتىنە قۇيىلماق. وسى جىلدىڭ باسىندا دونالد ترامپ اسكەري بيۋدجەتتى 10 پايىزعا دەيىن ۇلعايتاتىنىن ايتقان ەدى. بىراق اقش بۇل سالادا الەمدە $604, 5 ملرد-پەن ءبىرىنشى ورىندا تۇرعانىنا قاراماستان تاعى $54 ملرد اقشانى اسكەري سالاعا سالاتىندىعىن مالىمدەدى.
بىراق سەنات دونالد ترامپتىڭ كەزەكتى شەشىمىن قولداپ وتىرعان جوق. باسقا دا بيلىك وكىلدەرى بۇل وزگەرىس ۆاشينگتوننىڭ سىرتقى ساياساتىن السىرەتىپ جىبەرۋى ابدەن مۇمكىن دەپ وتىر.
"The Qazaq Times"
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى