Foto: https://vlast.kz

Air Astana wşağı Mäskeudiñ Şeremet'evo äuejayına qonuğa mäjbür boldı.

Äue kompaniyasınıñ baspasöz qızmeti taratqan mälimdemede: «28 mausımda «Eyr Astana» äue kompaniyasınıñ «London-Nwr-Swltan» bağıtı boyınşa KS 942 reysin orındağan wşağı eki generatordıñ biriniñ isten şığuı saldarınan jwmıs istemey twrğan QKB (qosalqı küştik bekitpe) jağdayında Mäskeu uaqıtımen sağat 00:18-de şwğıl türde qondı. Qazirgi uaqıtta aqaudı tabu jäne onı joyu boyınşa jwmıs jürgizilude. Wşaqtıñ işinde bolğan 93 jolauşınıñ bäri de «Mäskeu-Nwr-Swltan» qosımşa reysi arqılı Mäskeu uaqıtı boyınşa bügin sağat 09:50-de wşıp şığadı», – delingen. Mälim bolğanday, wşaqtıñ qonuı ştattı türde ötti.

Birneşe kün bwrın Taşkent-Almatı bağıtındağı reysti orındap kele jatqan Air Astana wşağı qımtau jüyesindegi aqauğa baylanıstı Şımkentke qonuğa mäjbür bolğan.

"The Qazaq Times"