Air Astana ۇشاعى ماسكەۋدىڭ شەرەمەتەۆو اۋەجايىنا قونۋعا ءماجبۇر بولدى.

اۋە كومپانياسىنىڭ ءباسپاسوز قىزمەتى تاراتقان مالىمدەمەدە: «28 ماۋسىمدا «ەير استانا» اۋە كومپانياسىنىڭ «لوندون-نۇر-سۇلتان» باعىتى بويىنشا كس 942 رەيسىن ورىنداعان ۇشاعى ەكى گەنەراتوردىڭ ءبىرىنىڭ ىستەن شىعۋى سالدارىنان جۇمىس ىستەمەي تۇرعان قكب (قوسالقى كۇشتىك بەكىتپە) جاعدايىندا ماسكەۋ ۋاقىتىمەن ساعات 00:18-دە شۇعىل تۇردە قوندى. قازىرگى ۋاقىتتا اقاۋدى تابۋ جانە ونى جويۋ بويىنشا جۇمىس جۇرگىزىلۋدە. ۇشاقتىڭ ىشىندە بولعان 93 جولاۋشىنىڭ ءبارى دە «ماسكەۋ-نۇر-سۇلتان» قوسىمشا رەيسى ارقىلى ماسكەۋ ۋاقىتى بويىنشا بۇگىن ساعات 09:50-دە ۇشىپ شىعادى»، – دەلىنگەن. ءمالىم بولعانداي، ۇشاقتىڭ قونۋى شتاتتى تۇردە ءوتتى.

بىرنەشە كۇن بۇرىن تاشكەنت-الماتى باعىتىنداعى رەيستى ورىنداپ كەلە جاتقان Air Astana ۇشاعى قىمتاۋ جۇيەسىندەگى اقاۋعا بايلانىستى شىمكەنتكە قونۋعا ءماجبۇر بولعان.

"The Qazaq Times"