Фото: https://vlast.kz

Air Astana ұшағы Мәскеудің Шереметьево әуежайына қонуға мәжбүр болды.

Әуе компаниясының баспасөз қызметі таратқан мәлімдемеде: «28 маусымда «Эйр Астана» әуе компаниясының «Лондон-Нұр-Сұлтан» бағыты бойынша КС 942 рейсін орындаған ұшағы екі генератордың бірінің істен шығуы салдарынан жұмыс істемей тұрған ҚКБ (қосалқы күштік бекітпе) жағдайында Мәскеу уақытымен сағат 00:18-де шұғыл түрде қонды. Қазіргі уақытта ақауды табу және оны жою бойынша жұмыс жүргізілуде. Ұшақтың ішінде болған 93 жолаушының бәрі де «Мәскеу-Нұр-Сұлтан» қосымша рейсі арқылы Мәскеу уақыты бойынша бүгін сағат 09:50-де ұшып шығады», – делінген. Мәлім болғандай, ұшақтың қонуы штатты түрде өтті.

Бірнеше күн бұрын Ташкент-Алматы бағытындағы рейсті орындап келе жатқан Air Astana ұшағы қымтау жүйесіндегі ақауға байланысты Шымкентке қонуға мәжбүр болған.

"The Qazaq Times"