Esirtkiniñ köptegen türleri Europanıñ özinde öndiriledi. Foto: Delovaya stolica.

Europadağı Esirtki jäne oğan täueldilikti zertteu ortalığı  jaqında jıldıq esebin jariya etti. Zertteu nätijesi tañqalarlıq mälimetterdi ortağa saladı. Onda esirtki önimderiniñ Europağa qanday jolmen kiretinin jäne onı twtınatındar turalı mälimetter körsetilgen.

 Esirtki jäne oğan täueldilikti zertteu ortalığı mälimetine qarağanda, Europadağı esirtki önimderiniñ basım köbi EO elderiniñ özinde öndiriledi. Degenmen, bwl mälimet geroinğa qatıstı emes, esirtki önimderiniñ basqa türlerin qamtidı. EO aymağına geroin Auğanstan jäne birneşe aziyalıq elderden kirse, kokain Oñtüstik Amerikadan kiredi. Zertteu nätijesi körsetkendey, bwl esirtki önimderi köbinde Rotterdam (Gollandiya) portı arqılı Europa elderine kiredi.

Geroin men kokainnan özge esirtki önimderi derliktey EO elderiniñ özinde jasaladı. Aytalıq, sintetikalıq esirtki önimderin jasaytın laboratoriyalardıñ köbi Gollandiya men Bel'giyada ekeni mälim bolğan. Anıqtalğan mälimetterge qarağanda, policiya tarabınan jabılğan laboratoriyalardan 6,6 mln tabletka tabılğan.

Al, metamfetamin jasağan 300-ge juıq laboratoriyanıñ 264-i Çehiyada ekeni mälim boldı. Çehiyada tärkilengen esirtki kölemi 6,5 tonna dep körsetedi esepte. Sonday-aq, marihuana dep atalatın esirtkiniñ keñ tarağan bir türi Europa elderine Marokkodan jetkizilip jatqanı anıqtalğan. Marokkoda bwl esirtki türin arnayı ösirip, satadı deydi zertteuşiler.

Zertteu ortalınıñ körsetken mälimetterine qaraytın bolsaq, 2017 jılı twtas Europada 1,5 şamasında esirtkige qarsı zañ bwzuşılıq tirkelgen. Bwl san 2007 jılğımen salıstırğanda 20 payızğa köp. Al, 2018 jılı zertteu ortalığı esirtkiniñ opiattan tartıp, stimulyator jäne kannabioidke deyingi 730 türine zertteu jürgizgen. Nätijede bwlardıñ 50-ge juıq jaña türi «qarañğı bazarlarda» soñğı birneşe jılda ğana payda bolğanı anıqtalğan. Bwl esirtki türleriniñ jıldan jılğa köbeyip, onı öndiru men öñdeu «tehnikasınıñ» barğan sayın dami tüskenin körsetedi.

Atalğan ortalıq wsınğan mälimette Europanıñ älemde esirtkige swranıs eñ joğarı bazar ekeni aytıladı. EO-ğa müşe elderinde 91 mln adam, yağni twtas odaqtıñ 27 payız halqı ömirinde keminde bir ret marihuana twtınğan. 18 mln adam kokain twtınğan. Onıñ üstine, qazir tehnologiyanıñ damuı esirtki saudasına jaña küş bergen. Äleumettik jeliler arqılı esirtki satu küşeygen. Bwl policiyanıñ esirtkige qarsı küresin qiındata tüsti. Esirtkiden ayıqtıru ortalıqtarı türli jaña täsilderdi qoldanıp jatqanımen, bıltırdıñ özinde esirtkini şamadan tıs twtınğan 9 mıñ 500 adam köz jwmğan.

“The Qazaq Times”