Qızquu oyını körsetildi. Foto: QT.

Bügin Almatıdağı «Boralday Saq qorğandarında» «Wlı dala – köşpendiler älemi» attı Halıqaralıq etno-mädeni festivalı bastaldı. Dästürli festival'da köşpendilerdiñ wmıt bolıp bara jatqan mwraları men salt-dästürleri nasihattalmaq.

Qazaqstan qwraması sahnada. Foto: QT.

Almatı qalalıq äkimdiginiñ tikeley qoldauında ötip jatqan halıqaralıq şarağa bağızı köşpendilerdiñ bügingi mwragerleri sanalatın elderdiñ etnomuzkanttar men sportşıları jinalğan. Aytalıq, Moñğoliya, Taulı Altay, Qalmaq Respublikası, YAkutiya, Tıva, Buryatiya, Saha Respublikası, Qırğızstan, Özbekstan, Majarstan, Başqwrtstan, Dağıstan jäne Ukraina  sındı 18 elden jinalğan önerpaz, sportşıları jäne özge de qonaqtarı jinalğan.

Buryatiyalıq şamandar. Foto: QT.

Festival'diñ aşıluı koncerttik şaramen bastaldı. Qazaqstandıq önerpazdar qola däuirinen tartıp, küni keşegi Qazaq handığına deyingi dalamızdağı köşpeli mädeniettiñ izderin sahnalandırılğan qoyılımdarmen jetkizuge tırıstı.

Jügensiz jüyrik pen "Nomad" şabandoz. Foto: QT.

«Saq qorğandarı» etno-körmesiniñ janında «kiiz qala» jasalıp, qazaq üy men abılayşa, itarqalarda köşpendiler mädenietiniñ mwraları, qolöner bwyımdarı, muzıka aspaptarı körmege qoyılğan. Sonday-aq, qolönerşi şeberler qızığuşılarğa şeberlik sabaqtarın ötude.

"Jılqını qolğa üyretu" qoyılımı. Foto: QT/Estay.

Şarada, at üstinde sadaq atu, jambı atu, asau üyretu tağı basqa da atüsti sporttarı men dala jauıngerleriniñ sporttıq mwralarınan bäsekeler ozdırıluda. Sonımen qatar, köşpeliniñ özgede sport türleri men öner mwraları birneşe aymaqtarğa bölinip, keluşilerge jan-jaqtı nasihattamaq.

Almatı qalasınıñ äkimi jäne ädebiet pen öner qayratkerleri. Foto: QT.

Ayta keteyik, şaranıñ wyımdastıru jwmıstarında, sahnalıq qoyılımdar da türli öner jarıstarında köşpendilerdiñ bügingi wrpaqtarı babalardıñ dästürli mädenietinen barğan sayın alıstap bara jatqanın bayqauğa boladı. Mwnday dästürli mädenietti, wlttı etno-tarihtı nasihattaytın şaralarda etnograftardıñ, sonıñ işinde köneniñ josın-joralğısına jüyrik etnograf, tarihşılardıñ orını ögeysip-aq twradı.

"Batırlar". Foto: QT.

Aytalıq, qoyılımdar men keybir salt-dästürlerdi nasihattauda etnografiyalıq naqtılıqtar mülde saqtalmaytının basa aytqımız keledi. Jügensiz at minu, qomsız tüyege jük artu bağızı köşpendiler üşin qanşalıq soraqı is ekenin bügingi «nasihatşılar» bile me eken?!

"Qarağay sadaq budırıp, qılşanımdı oqqa toltırıp". Foto: QT/Estay.

“The Qazaq Times”